སྤྱི་ནོར་༸གོང་ས་སྐྱབས་མགོན་ཆེན་པོ་མཆོག་དགུང་གྲངས་བརྒྱད་ཅུ་གྱ་གསུམ་ལ་ཕེབས་པའི་སྐུའི་འཁྲུངས་སྐར་ལ་ཕུལ་བས་

རྩོམ་ཡིག་འདི་ཐེངས་ 835 བཀླགས་འདུག

༄༅ དེ་རིང་འཁྲུངས་སྐར་གྱི་ཉིན་མོ་འདིར་༸གོང་ས་༸སྐྱབས་མགོན་ཆེན་པོ་མཆོག་ལ་གུས་འདུད་དང་འཚམས་འདྲི་ཞུ་བ་དང་ཆབས་ཅིག་རྗེ་བཙུན་འཇམ་དཔལ་ངག་དབང་བློ་བཟང་བསྟན་འཛིན་རྒྱ་མཚོ་མཆོག་ཕྱི་ལོ་ ༡༩༣༥ ཟླ་ ༧ ཚེས་ ༦ ཉིན་འཁྲུངས་ཏེ་དགུང་གྲངས་བརྒྱད་ཅུ་གྱ་གསུམ་ལ་ཕེབས་པའི་༸སྐུའི་འཁྲུངས་སྐར་དུས་ཆེན་ཁྱད་དུ་འཕགས་པའི་དགའ་སྟོན་གྱི་ཉིན་མོ་འདིར་གུས་འབངས་བོད་ཀྱི་བུད་མེད་ལྷན་ཚོགས་ཀྱི་སྐུ་ཚབ་ཞུས་ཏེ་འཛམ་གླིང་སྤྱིར་དང་བོད་འབངས་ཡོངས་ལ་འཚམས་འདྲི་དང་བཀྲ་ཤིས་བདེ་ལེགས་ཞུ་རྒྱུ་ཡིན། དེ་རིང་གི་ཉིན་མོ་ང་ཚོ་གངས་ཅན་པ་ཙམ་མ་ཟད་འཛམ་གླིང་བྱིངས་ལ་ཤིན་ཏུ་སྐལ་བ་བཟང་པོ་དང་གལ་གནད་ཆེ་བའི་ཉིན་མོ་ཞིག་ཡིན་བོད་ཀྱི་ལོ་རྒྱུས་ནང་ད་ལྟའི་དུས་ཚོད་ནི་དུས་ཚོད་གཉན་འཕྲང་ཅན་ཞིག་ཡིན་པའི་སྐབས་ལ་ཁོང་འདྲ་བའི་དྲང་བདེན་དང་འཚེ་མེད་ཞི་བའི་ལམ་ལ་འཇུག་མཁན་གྱི་དབུ་ཁྲིད་ཅིག་ཡོད་པ་འདི་ང་ཚོ་བོད་མི་རྣམས་ཀྱི་བསོད་ནམས་དང་གཟི་བརྗིད་ཡིན། ཁོང་གི་མཛད་འཕྲིན་རྒྱ་མཚོ་ལྟ་བུ་མཐའ་ཡས་པ་བསྐྱངས་དང་སྐྱོང་བཞིན་པ་ཡིན་སྟབས་ཁོང་སྐུ་བལྟམས་པའི་དུས་ཆེན་ལ་རྗེས་དྲན་གྱི་ཉིན་མོ་ཞེས་སྲུང་བརྩི་ཞུ་བཞིན་ཡོད་པ་དང་བཅས་མཐའ་དོན་འདིར་ཁོང་སྐུ་ཚེ་ཁྲི་ཕྲག་ནས་ཁྲི་ཕྲག་བར་བརྟན་པ་དང་ཐུགས་ཀྱི་བཞེད་དོན་ལྷུན་གྱིས་འགྲུབ་པའི་རེ་སྨོན་ཞུ་རྒྱུ་ཡིན།

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.