རྡི་ལི་ས་གནས་ཀྱི་འགོ་འཁྲིད་འོག་སྤྱི་ནོར་༸གོང་ས་༸སྐྱབས་མགོན་སྐུ་ཕྲེང་བཅུ་བཞི་པ་ཆེན་པོ་མཆོག་ལ་འཛམ་གླིང་ནང་ཆེས་སྙན་པར་གྲགས་པའི་ནོ་སྦེལ་ཞི་བདེའི་གཟེངས་རྟགས་འབུལ་བཞེས་བསྐྱངས་དེ་མི་ལོ་༢༩འཁོར་བའི་དགའ་སྟོན་གྱི་མཛད་སྒོ་རུ་བཅར།

རྡི་ལི་ས་གནས་ཀྱི་འགོ་འཁྲིད་འོག་སྤྱི་ནོར་༸གོང་ས་༸སྐྱབས་མགོན་སྐུ་ཕྲེང་བཅུ་བཞི་པ་ཆེན་པོ་མཆོག་ལ་འཛམ་གླིང་ནང་ཆེས་སྙན་པར་གྲགས་པའི་ནོ་སྦེལ་ཞི་བདེའི་གཟེངས་རྟགས་འབུལ་བཞེས་བསྐྱངས་དེ་མི་ལོ་༢༩འཁོར་བའི་དགའ་སྟོན་གྱི་མཛད་སྒོ་རུ་བོད་ཀྱི་བུད་མེད་ལྷན་ཚོགས་ཀྱི་རྒྱུན་ལས་རྣམས་བཅར། སྐབས་དེར་ཚོགས་གཞོན་སྐལ་བཟང་གཡུ་སྒྲོན་ལགས་ཀྱི་བོད་ནང་གི་འགྲོ་བ་མིའི་ཐོབ་ཐང་མེད་པའི་ཐོག་འགྲེལ་བཤད་དང་། ཟླ་འདིའི་ཚེས་༡༠ ནས་རྒྱ་གར་རྒྱལ་ས་རྡི་ལི་ནས་འགོ་འཛུགས་སྟེ་༼རྒྱ་གར་དཔོན་རིགས་ཁག་ལ་ཞུ་འབོད་ལས་འགུལ་༽ གྱི་སྐོར་བསྐྱོད་དེའི་ནང་ད་ལྟའི་བོད་ནང་དུ་ཛ་དྲག་གི་གནས་སྟངས་ཐོག་ལ་ཁོང་རྣམས་ནས་ཐུགས་སྣང་དང་མུ་མཐུད་ནས་རྒྱབ་སྐྱོར་ཤུགས་ཆེ་གནང་སྐྱོང་ཡོང་བའི་འབོད་སྐུལ་ཞུས་བ་དང་། ཟུང་དྲུང་སྒྲོལ་མ་ཚེ་རེང་ལགས་ཀྱི་བསྒྲགས་གཏམ་དབྱིན་སྐད་ཐོག་བསྒྲོགས་སྦྱང་གནང་།

སྤྱི་ནོར་༸གོང་ས་༸སྐྱབས་མགོན་སྐུ་ཕྲེང་བཅུ་བཞི་པ་ཆེན་པོ་མཆོག་ལ་འཛམ་གླིང་ནང་ཆེས་སྙན་པར་གྲགས་པའི་ནོ་སྦེལ་ཞི་བདེའི་གཟེངས་རྟགས་འབུལ་བཞེས་བསྐྱངས་པའི་དུས་དྲན་དགའ་སྟོན་སྲུང་བཙི།

ཕྱི་ཟླ་ ༡༢ ཚེས་ ༡༠ ནི་ སྤྱི་ནོར་༸གོང་ས་༸སྐྱབས་མགོན་སྐུ་ཕྲེང་བཅུ་བཞི་པ་ཆེན་པོ་མཆོག་ལ་འཛམ་གླིང་ནང་ཆེས་སྙན་པར་གྲགས་པའི་ནོ་སྦེལ་ཞི་བདེའི་གཟེངས་རྟགས་འབུལ་བཞེས་བསྐྱངས་པའི་དུས་དྲན་དགའ་སྟོན་སྲུང་བཙི་དང་། འཛམ་བུ་གླིང་ནང་ལོ་ངོ་༧༠་འཁོར་བའི་འགྲོ་བ་མིའི་ཐོབ་ཐང་གི་ཉིན་མོ་དེ་ཡང་སྲུང་བཙི་ཞུ་ཡི་ཡོད། དེ་ཉིན་སྔ་དྲོ་བོད་ཀྱི་བུད་མེད་ལྷན་ཚོགས་ཀྱི་རྒྱུན་ལས་རྣམས་རྒྱ་གར་གྱི་རྒྱལ་ས་རྡི་ལི་རུ་གཉམ་འབྲེལ་རྒྱལ་ཚོགས་ཀྱི་ གཞུང་ཚབ་དུ་བཅར་ཏེ་བོད་དོན་ཐོག་འབོད་སྐུལ་གྱི་ཡི་གེ་དང་། རྒྱ་ནག་གི་གཞུང་ཚབ་དུ་བཅར་ཏེ་རྒྱ་ནག་གཞུང་ལ་དབུ་མའི་ལམ་གྱི་སྲིད་བྱུད་ཐོག་གོང་ས་མཆོག་གི་སྐུ་ཚབ་དང་ལྷན་དུ་གྲོས་མོལ་གྱི་འབོད་སྐུལ་ཡི་གེ་བཅས་འབུལ།

ཁོར་ཡུག་གཙང་བཟོ་ལས་གཞི་༼Clean up Drive towards a Clean India༽ལ་དབུས་དང་ས་གནས་བོད་མི་ལྷན་ཚོགས་རྣམས་འཛུལ་བཞུགས་གནང་ཡོད་

ཕྱི་ལོ་༢༠༡༨ ཟླ་ ༡༡ ཚེས་༢ ཉིན་ས་གནས་འགོ་འཛིན་ལས་ཁུངས་དང་འཕྲོད་བསྟེན་ལས་ཁུངས་ཀྱི་གོ་སྒྲིག་འོག་ཁོར་ཡུག་གཙང་བཟོ་ལས་གཞི་༼Clean up Drive towards a Clean India༽ལ་དབུས་དང་ས་གནས་བོད་མི་ལྷན་ཚོགས་རྣམས་འཛུལ་བཞུགས་གནང་ཡོད་པ་དང་།བག་སུ་ནག་གཡས་གཡོན་རྣམས་གཙང་མ་བཟོས་ཡོད།

དཔའ་བོ་བསྟན་འཛིན་ཆོས་དབྱིངས་ལགས་བོད་ཀྱི་རྩ་དོན་སླད་ སྐུ་ལུས་མེར་བསྲེགས་བཏང་སྟེ་འདས་གྲོངས་སུ་ཕྱིན་པ།

ཕྱི་ལོ་ ༢༠༡༧ ཟླ་བ་ ༧ པའི་ཚེས་ ༡༤ཡི་ཉིན་ཝྭ་ནར་མཐོ་སློབ་སློབ་གཉེར་ཁང་གི་སློབ་མ་བསྟན་འཛིན་ལགས་ཀྱིས་བོད་ཀྱི་རྩ་དོན་དང་༸རྒྱལ་བ་རིན་པོ་ཆེ་མཆོག་མྱུར་ནས་མྱུར་དུ་བོད་དུ་གདན་འདྲེན་ཕྱིར་རང་ལུས་མེར་བསྲེགས་བཏང་སྟེ་འདས་གྲོངས་སུ་ཕྱིན་པ་ནི་སེམས་སྐྱོ་བོའི་གནས་ཚུལ་ཞིག་ཆགས་ཡོད་ བོད་མི་ན་གཞོན་ཞིག་མེད་པ་གྱུར་བ་ནི་བོད་རྒྱལ་ཁབ་དང་བོད་མི་རིགས་ལ་གྱོང་གུད་ཡིན་པས་སེམས་སྐྱོ་འོས་པ་ཞིག་ཡིན་ མཐའ་དོན་འདིར་ཁོང་གི་ནང་མི་དང་སྤུན་མཆེད་རྣམས་ལ་བོད་ཀྱི་བུད་མེད་ལྷན་ཚོགས་ངོས་ནས་སེམས་གསོ་དང་གདུང་སེམས་མཉམ་བསྐྱེད་དུས་རྟག་ཏུ་ཡོད་ལ་ ཁོང་བསྐལ་བ་བཟང་པོ་ཞིག་ལེན་པའི་སྨོན་འདུན་ཡོད།

བོད་ཀྱི་འགྲོ་བ་མིའི་ཐོབ་ཐང་དང་མང་གཙོ་སྟེ་གནས་ཁང་དང་བོད་ཀྱི་བུད་མེད་ལྷན་ཚོགས་གཉིས་མཉམ་རུབ་ཀྱིས་མང་གཙོའི་ལས་འགུལ་སྤེལ་གནང་བ།

བོད་ཀྱི་བུད་མེད་ལྷན་ཚོགས་དང་བོད་ཀྱི་འགྲོ་བ་མིའི་ཐོབ་ཐང་དང་མང་གཙོ་སྟེ་གནས་ཁང་གཉིས་དགའ་སྤོབས་ངང་མཉམ་རུབ་ཀྱི་ལས་འགུལ་མང་གཙོ་ཞེས་པ་སྤེལ་གནང་ཡོད་་ལས་འགུས་དེའི་དབུ་འབྱེད་ཀྱི་མཛད་སྒོ་ས་རྭ་བོད་ཀྱི་མཐོ་རིམ་སློབ་གཉེར་ཁང་དུ་གནང་བ་དང་དེའི་ནང་བུད་མེད་ལྷན་ཚོགས་ཀྱི་སྡེ་ཚན་ནས་མཉམ་བཞུགས་གནང་ཡོད་ཡང་ལས་འགུལ་དེ་དང་སྟབས་བསྟུན་ནས་བོད་ཀྱི་བུད་མེད་ལྷན་ཚོགས་ཀྱི་ཚོགས་གཙོ་སྒྲོལ་མ་དབྱངས་ཅན་ནས་དུས་རབས་ཉེར་གཅིག་ནང་མང་གཙོ་དགོས་པ་གལ་ཆེ་པོ་དང་མཉམ་དུ་འགན་འཁུར་ལེན་དགོས་པ་གནད་གག་ཆེན་པོ་ཡིན་པའི་ཐད་གཏམ་བཤད་གནང་།

སློབ་ཕྲུག་རང་དབང་ཚོགས་པས་དབུ་ཁྲིད་པའི་ཕྱིའི་རྒྱལ་དང་རྒྱ་གར་ནས་ཡིན་པའི་སློབ་མ་གྲངས་༢༡ ཞྀག་བོད་ཀྱི་བུད་མེད་ལྷན་ཚོགས་ཀྱི་ཕེབས་སུ་སྣེ་ལེན་གནང་བ།

ཕྱི་ལོ་ ༢༠༡༧ ཟླ་ ༧ པའི་ཚེས་ ༡༠ ཉིན་ཐའ་ཝེན་ Taiwan་དང་རྒྱ་གར་ནང་སློབ་གཉེར་གནང་བཞིན་པའི་སློབ་མ་གྲངས་ ༢༡ ཞིག་སློབ་ཕྲུག་རང་དབང་ཚོགས་པས་འདིར་གར་བུད་མེད་ལྷན་ཚོགས་སུ་ཁྲིད་གནང་བ་ཚོ་ལ་བོད་ཀྱི་བུད་མེད་ལྷན་ཚོགས་ཀྱིས་ཚོགས་གཙོ་ལགས་ནས་བོད་ནང་གི་གནས་སྟངས་དང་བུད་མེད་ལྷན་ཚོགས་འདི་བོད་པའི་སྤྱི་ཚོགས་ནང་གལ་གནད་ཆེན་པོ་ཡིན་པའི་ཐད་བཀའ་མོལ་གནང་ཡོད།