TWA’s from 39 Regional Chapters, the Central executive & Former Presidents & executive members of TWA gathered at Tsuklakhang to confer an award to express our sincere gratitude to His Holiness the great 14th Dalai Lama

བོད་ཀྱི་བུད་མེད་ལྷན་ཚོགས་ནས་ཕྱི་ལོ་༢༠༡༧ ཟླ་༡༠ ཚེས་༡༣ གཟའ་སྐར་དགེ་བའི་ཉིན་རྒྱལ་བ་ཀུན་གྱི་སྙིང་རྗེའི་རང་གཟུགས། དུས་གསུམ་རྒྱལ་བ་ཀུན་གྱི་གདུང་འཚོབ་པ་ཆེན་པོ། བསྟན་འགྲོའི་སྲོག་རྩ་དམ་པར་གྱུར་པ་རྒྱལ་བསྟན་འཛིན་པ་ཡོངས་ཀྱི་གཙུག་རྒྱན། ༸ལྷར་བཅས་སྲིད་བཞིའི་གཙུག་ནོར། འཛམ་གླིང་ཞི་བདེའི་དེད་དཔོན། གངས་ཅན་འགྲོ་བ་ཡོངས་ཀྱི་སྙིང་གི་ཐིག་ལེར་གྱུར་པ་བོད་མིའི་བླ་ན་མེད་པའི་དབུ་ཁྲིད། ༸གོང་ས་ལྷ་མིའི་རྣམ་འདྲེན་༸སྐྱབས་མགོན་༸རྒྱལ་དབང་སྐུ་ཕྲེང་བཅུ་བཞི་པ་རྗེ་བཙུན་འཇམ་དཔལ་ངག་དབང་བློ་བཟང་ཡེ་ཤེས་བསྟན་འཛིན་རྒྱ་མཚོ་དཔལ་བཟང་པོ་མཆོག་ལ་༼བྱམས་བརྩེའི་སློབ་དཔོན་གྱིས་གཟེངས་རྟགས་༽ ཞེས་པ་འབུལ་བཞེས་མཛད་རྒྱུའི་བསྐལ་བཟང་གི་གོ་སྐབས་བཟང་པོ་ཐོབ་ཡོད།

Tibetan Women’s Association from 39 Regional Chapters, the Central executive and Former Presidents and executive members of TWA gathered at Tsuklakhang to confer an award to express our sincere gratitude to His Holiness the great 14th Dalai Lama. It was a great day for the members of the Tibetan Women’s Association for having received this golden opportunity of getting blessing from His Holiness the Dalai Lama.
We wish His Holiness a good health and long live!!

ད་ལྟའི་ཟླ་༡༠ ཚེས་ ༤ ཉིན་བོད་ཀྱི་བུད་མེད་ལྷན་ཚོགས་ཀྱི་ཚོགས་གཙོ་སྒྲོལ་མ་དབྱངས་ཅན་མཆོག་ནས་ཕྱི་དྲིལ་ལས་ཁུངས་ཀྱི་གཞུང་འབྲེལ་སྐུ་མགྲོན། ཡུ་རོབ་རྒྱ་བོད་མཐུན་བསྒྲིལ་ཚོགས་པའི་ཚོགས་གཙོ་བློ་བཟང་དབང་དུས་ལགས་དང་། ཧྤ་རན་སི་དང་ཇར་མ་ནིར་གནས་བཞུགས་རྒྱ་རིགས་བོད་དོན་དོན་གཉེར་བ་ (ཀྲང་ཡེ་མང་དང་ཀོ་ཅན། ཧོང་ཅན་ཞུན་) དེ་བཞིན་ཡུ་རོབ་རྒྱ་རིགས་འབྲེལ་མཐུད་པ་བློ་བཟང་ཉི་མ་ལགས་བཅས་ལྷན་དུ་མཇལ་འཕྲད་ཞུས་ཐུབ་པ་བྱུང་ཡོད།

ད་ལྟའི་ཟླ་༡༠ ཚེས་ ༤ ཉིན་བོད་ཀྱི་བུད་མེད་ལྷན་ཚོགས་ཀྱི་ཚོགས་གཙོ་སྒྲོལ་མ་དབྱངས་ཅན་མཆོག་ནས་ཕྱི་དྲིལ་ལས་ཁུངས་ཀྱི་གཞུང་འབྲེལ་སྐུ་མགྲོན། ཡུ་རོབ་རྒྱ་བོད་མཐུན་བསྒྲིལ་ཚོགས་པའི་ཚོགས་གཙོ་བློ་བཟང་དབང་དུས་ལགས་དང་། ཧྤ་རན་སི་དང་ཇར་མ་ནིར་གནས་བཞུགས་རྒྱ་རིགས་བོད་དོན་དོན་གཉེར་བ་ (ཀྲང་ཡེ་མང་དང་ཀོ་ཅན། ཧོང་ཅན་ཞུན་) དེ་བཞིན་ཡུ་རོབ་རྒྱ་རིགས་འབྲེལ་མཐུད་པ་བློ་བཟང་ཉི་མ་ལགས་བཅས་ལྷན་དུ་མཇལ་འཕྲད་ཞུས་ཐུབ་པ་བྱུང་ཡོད།

བོད་ཀྱི་བུད་མེད་ལྷན་ཚོགས་བཙན་བྱོལ་དུ་སླར་གསོ་ཞུས་ཏེ་ལོ༣༠འཁོར་བ།

Tibetan-Womens-Association-logo༄༅།། དེ་རིང་གི་ཉིན་མོར་བོད་ཀྱི་བུད་མེད་ལྷན་ཚོགས་ཀྱི་སྒྲིག་འཛུགས་རྒྱ་གར་དུ་སླར་གསོ་ཞུས་ཏེ་ལོ་༣༠ འཁོར་བའི་དུས་ཚིགས་སྲུང་བརྩི་ཞུ་རྒྱུའི་ཐོག་མར། ཕྱི་ལོ་༡༩༥༩ཟླ་༣ ཚེས་༡༢ཉིན་བོད་ཀྱི་བདེན་པའི་འཐབ་རྩོད་ནང་མཉམ་ཞུགས་གནང་མཁན་རྒྱལ་གཅེས་དཔའ་མོ་རྣམས་ཀྱི་དཔའ་མཛངས་སྙིང་སྟོབས་ཀྱི་མཛད་རྗེས་ལ་བཀྲིན་རྗེས་དྲན་གྱིས་གུས་འདུད་ཞུ་རྒྱུ་དང་། དེ་མཚུངས་བོད་ནང་གཙོ་བོར་བྱས་པའི་བོད་ཕྱི་ནང་གཉིས་ནས། བོད་ཀྱི་བསྟན་པ་ཆབ་སྲིད་ཉག་ཕྲ་ལས་སྐྱོབ་ཕྱིར་ད་བར་རང་ལུས་མེར་བསྲེགས་གནང་མཁན་ ༡༣༡  ལྷག་ཙམ་བྱུང་བ་དེ་དག་གི་རྒྱལ་གཅེས་ལྷག་བསམ་ལ་བླ་མེད་གུས་བཀུར་དང་ཤུལ་ལུས་ནང་མིར་གདུང་སེམས་མཉམ་སྐྱེད་ཞུ་ཡི་ཡོད།

བོད་ཀྱི་བུད་མེད་ལྷན་ཚོགས་ཀྱི་སྒྲིག་འཛུགས་དེ་བཞིན། ཕྱི་ལོ་ ༡༩༥༩། ༣། ༡༢ཉིན་རྒྱལ་ས་ལྷ་སར་རྒྱ་དམར་གྱིས་ཁྲིམས་འགལ་ཐོག་བོད་ས་ཡོངས་རྫོགས་བཙན་བཟུང་དང་བོད་མི་ས་ཡ་གཅིག་ལྷག་དམར་གསོད་གཏོང་བ། དེ་བཞིན་དགོན་པ་དང་རྩ་ཆེན་ལྷ་སྐུ་རྟེན་སྲུང་སོགས་ཚད་ལས་བརྒལ་བའི་གཏོར་སྐྱོན་གཏོང་བའི་ཛ་དྲག་གི་དུས་བབ་དེ་ལྟ་བུའི་འོག བོད་ཀྱི་བུད་མེད་རྣམས་ཀྱིས་རང་གཞུང་གི་དབུ་འོག་དཔུང་འདེགས་དང་རྒྱ་གཞུང་ལ་ཞི་རྒོལ་བྱ་ཕྱིར་ཆེད་བཙུགས་ཞུས་པའི་ལོ་རྒྱུས་རང་བཞིན་ལྡན་པའི་ཆོལ་གསུམ་བོད་ཀྱི་བུད་མེད་ཀྱི་སྒྲིག་འཛུགས་འདི་ཉིན་དབུ་བརྙེས་པ་རེད།

ཕྱི་ལོ་ ༡༩༨༤།༩།༦ཉིན། ༸སྤྱི་ནོར་༸གོང་ས་སྐྱབས་མགོན་ཆེན་པོ་མཆོག་གིས་སྐབས་དགུ་བའི་ཆོལ་གསུམ་སྤྱི་འཐུས་འདེམས་ཕྱོགས་སྐོར་ལ་ཆེད་འགུགས་བསྐྱངས་པའི་ཚོགས་ཞུགས་པ་རྣམས་ལ་བླང་དོར་གྱི་བཀའ་སློབ་གནང་སྐབས། ༼སྔོན་དུ་བུད་མེད་ཚོགས་པ་ཞིག་ཡོད་མུས་ལ་བར་ལམ་འཇའ་ཡལ་བ་ལྟ་བུར་གྱུར་འདུག དེང་འཛམ་གླིང་སྤྱི་སྲོལ་ལྟར་བུད་མེད་ཚོགས་པ་སྲ་ཐག་ཐག་ཅིག་བྱུང་ན་དགེ་མཚན་ཡོད།༽ཅེས་སོགས་བཀའ་སློབ་སྤྱི་ཕེབས་ཀྱི་དགོངས་དོན་བཞིན་རྡ་སར་བཞུགས་པའི་བུད་མེད་ཡོངས་ནས་བཀའ་དགོངས་དང་ལེན་ཞུས་ཏེ།  བུད་མེད་རང་ཉིད་ཀྱིས་འགན་འཁུར་གཙང་བཞེས་ཐོག ༡༩༨༤། ༩། ༡༠ ཉིན་ཚོགས་མི་གྲངས་  ༨༠༠ ཙམ་དང་ས་གནས་ཡན་ལག་ཁག་༡༢ བཙུགས་ཐུབ་པ་བྱུང་ཡོད་ཐོག། དེང་གི་འཆར་ཨེ་ཤ་ཡ་གཙོས་རྒྱལ་སྤྱིའི་གླིང་ཕྲན་བཞི་ཡི་ནང་བོད་ཀྱི་བུད་མེད་ལྷན་ཚོགས་ལ་ས་གནས་ཡན་ལག་ ༥༦ དང་ཚོགས་མི་གྲངས་འབོར་ ༡༧༠༠༠ཡོད་པའི་སྒྲིག་འཛུགས་སྲ་བརྟེན་ཞིག་ཡིན་ཐོག་གཞུང་གིས་ངོས་ལེན་ཡོད་པའི་གཞུང་འབྲེལ་མ་ཡིན་པའི་ཚོགས་པ་རྙིང་ཤོས་དེའང་ཆགས་ཡོད།

སྔར་ལོ་ནས་ཁྲིམས་དོན་ནུས་སྟོབས་གོང་སྤེལ་གྱི་ལས་གཞི་ཞིག་འགྲོ་བཞིན་པ་ལྟར།འདི་ལོའང་སླར་ཡང་འགོ་བཙུགས་ཀྱི་སྐོར་བསྐྱོད་དུ་འགྲོ་མུས་སུ་ཡོད་པ་དང་།ལས་གཞི་འདི་བརྒྱུད་ནས་ང་ཚོས་བཙན་བྱོལ་སྤྱི་ཚོགས་ཀྱི་ཕོ་མོ་དབྱེར་མེད་ལ་ཁྲིམས་ཀྱི་གོ་རྟོགས་དང་། ལྷག་པར་དཀའ་ངལ་དང་གནོད་འཐེབ་ཕོ་མོ་རྣམས་ལ་ཁྲིམས་ཀྱི་སྲུང་སྐྱོབ་གང་ཡོད་ཀྱི་ངོ་སྤྲོད་ལམ་སྟོན་ཞུས་མུས་ཡོད་པ་བཞིན་ཕན་འབྲས་ཀྱང་མི་དམན་པ་ཞིག་སོན་ཡོད་པའི་ཡིད་ཆེས་བྱུང་།

དེང་གི་ཆར་བོད་ནང་གི་ས་ཁུལ་གང་སར་རྒྱ་གཞུང་གིས་གཏེར་ཁ་བསྔོག་འདོན་གྱི་རྐྱེན་གྱིས་བོད་མི་རྣམས་ཀྱི་ཆེས་མ་མཐའི་འཚོ་རྟེན་ལ་རང་དབང་མེད་པར།འབྲོག་ས་དང་ཞིང་ས་བཙན་གྱི་གཞུང་བཞེས་གཏོང་བ་དང་། ཡུལ་སྲོལ་རྟ་རྒྱུགས་ཀྱི་འདུ་འཛོམས་བྱེད་དུ་མ་བཅུག་པར་སྲིད་གཞུང་གིས་དམ་དྲག་དང་དྲག་གནོན་བྱས་པ་བརྒྱུད། ཕྱི་ཟླ་༨ ཚེས་༡༡ ཉིན་གྱི་མཚན་མོ་ཁམས་སེལ་ཤུལ་རྫོང་། སྡེ་དགེ་འདན་མ་(ལོ་ཕྱུག་)ཤུག་པ་སྡེ་པའི་སྡེ་དཔོན་དབང་གྲགས་རྒྱ་གཞུང་གིས་འཇུ་བཟུང་དང་།  ཕྱི་ཚེས་༡༢ ཉིན་མི་མང་གིས་ཞི་རྒོལ་བྱེད་སྐབས། དྲག་གནོན་གྱིས་མི་མང་རྨས་སྐྱོན་འཚབ་ཆེན་འཐེབ་ཡོད་པ་མ་ཟད། གྲོང་བའི་རྒན་བྱིས་མ་གཏོགས་སྐྱེས་པ་ཕོ་ཕལ་མོ་ཆེ་ད་ཆ་བཙོན་འཇུག་བཀག་གཉེར་གྱིས་གནས་སྟངས་ཛ་དྲག་ཆགས་འདུག་པ་མ་ཟད། ཡང་ཕྱི་ལོ་༢༠༡༤ ཟླ་༦ ཚེས་༡༨་ཉིན། རྒྱ་ནག་གིས་བོད་རང་སྐྱོང་ལྗོངས་ཞེས་འབོད་པའི་དམར་ཤོག་ཚོགས་པའི་དྲུང་ཆེ་Chen Quanguoགིས་ཚོགས་འདུ་ཞིག་བསྐོང་ཚོགས་བྱས་པའི་བརྒྱུད་ལྷ་སར་མི་རིགས་འདྲེས་མའི་གཉེན་སྒྲིག་གི་ལམ་ནས་བོད་ནང་གྲངས་ཉུང་མི་རིགས་བར་ཆིག་སྒྲིལ་ཡོང་ཐབས་གལ་ཆེན་པོ་ཡིན་ལུགས་བཤད་པ་ནི། དྲུང་ཆེ་སྒེར་གྱི་བསམ་ཚུལ་དང་གཏམ་བཤད་ཙམ་མ་ཡིན་པར།  དེ་ནི་རྒྱ་གཞུང་གི་དངོས་སུ་ལག་བསྟར་བྱེད་བཞིན་པའི་རྔམ་གནག་གི་སྲིད་ཇུས་ཤིག་དང་། སྲིད་ཇུས་དེ་བརྒྱུད་ནས་རང་རེས་བོད་མི་རིགས་རྩ་བརླག་གཏོང་འཆར་ཡོད་པ་གསལ་བ་ཡིན།

དེ་ལྟ་ན།  བོད་ཀྱི་བུད་མེད་ལྷན་ཚོགས་ཀྱི་དམིགས་ཡུལ་གཞིར་བཟུང་ཐོག བོད་ཀྱི་བདེན་པའི་འཐབ་རྩོད་ཀྱི་ལས་འགུལ་མཐའ་དག་འཚེ་མེད་ཞི་བའི་རྒྱ་ལས་མ་བརྒལ་བར་བོད་ཀྱི་གནད་དོན་རྒྱལ་སྤྱིའི་སྡིངས་ཆའི་སྟེང་ཁྱབ་སྤེལ་དང་དྲིལ་བསྒྲགས་གཙོས།  ཁྲིམས་དོན་དང་ཤེས་ཡོན། འཕྲོད་བསྟེན་དང་འབྲེལ་བའི་ནུས་སྟོབས་གོང་འཕེལ་ལ་སྨན་པའི་ཟབ་སྦྱོང་། སྤྱི་ཚོགས་ཞབས་ཞུ། ཁོར་ཡུག་སྲུང་སྐྱོབ་སོགས་ཀྱི་ཐོག་འགན་ཁུར་ལྷོད་མེད་ཞུས་ཁག་གི་ཞིབ་ཕྲའི་གནས་ཚུལ་རྣམས་འགན་ལྷན་སྐབས་ཞུས་ཟིན་པ་སླར་ཡང་བསྐྱར་བཟློས་མ་དགོས་པའི་ཐོག

ངེད་ལྷན་ཚོགས་ཀྱིས་དོ་ནན་ཆེན་པོས་སླར་གསོ་ཡི་ཉིན་མོ་དང་བསྟུན་ནས་རྒྱལ་སྤྱིའི་སྲིད་གཞུང་དང་ཚོགས་སྡེ་ཁག་ལ་དགོས་འདུན་འགའ་ཞུ་རྒྱུར།

༡) བོད་ཀྱི་དཀའ་རྙོག་སེལ་ཐབས་སུ་བཟུང་བའི་སྲིད་ཇུས་དབུ་མའི་ལམ་གཞིར་བཞག་ཐོག བོད་རྒྱ་ཞི་མོལ་ཡོང་སླད་། རྒྱལ་སྤྱིའི་དྲང་བདེན་ལ་མོས་པའི་གཞུང་སྒེར་གཉིས་ཐད་ནས་རྒྱ་གཞུང་གི་མཁྲེགས་འཛིན་དང་ལོག་འགྲེལ་ལ་བདེན་པའི་གསལ་འདེབས་ཐོག གྲོས་མོལ་འགོ་བཙུགས་དགོས་པའི་གནོན་ཤུགས་སྤྲོད་གནང་ཡོད་པ་ཞུ་རྒྱུ་དང་།

༢) མི་ལོ་དྲུག་ཅུ་རིང་བོད་ནང་གི་དཀའ་སྡུག་གནས་སྟངས་སྤྱི་དང་། ཡང་སྒོས་དེང་སྐབས་རྒྱ་གཞུང་གིས་བོད་ནང་ཞི་དྲག་གཉིས་ཐོག་བོད་ནང་རིགས་རྒྱུད་རྩ་མེད་རིང་ལུགས་ཀྱི་སྲིད་བྱུས་སྒོ་ཀུན་ནས་སྤེལ་བཞིན་ཡོད་ན། རྒྱལ་ཚོགས་ངོས་ནས་གང་མགྱོགས་བྱང་ཆིངས་མནའ་འབྲེལ་སྒྲིག་འཛུགས་བོད་ནང་ཛ་དྲག་གི་ཐོག་ནས་གཏོང་གནང་ཡོད་པ་འབོད་བསྐུལ་ཞུ་རྒྱུ།

༣) བོད་ནང་ཞི་བའི་ངོ་རྒོལ་བྱེད་ཀྱིན་པར་རྒྱ་གཞུང་གིས་ཁ་བྲལ་འཇིགས་སྐུལ་བའི་ཉེས་མིང་འོག་མནར་གཅོད་དྲག་པོ་གཏོང་བཞིན་པ་དང་། ལྷག་པར་རྒྱལ་སྤྱིའི་ཧྲིལ་པོའི་སྟེང་ཆེ་མཐོང་དང་བརྩི་བཀུར་ཡོད་པའི་འཛམ་གླིང་ཞི་བདེའི་དེད་དཔོན་༸གོང་ས་ཆེན་པོ་མཆོག་ལ་མ་ཉེས་ཁ་གཡོག་དང་མཚན་སྨད་ཞུ་བ་དང།   མང་གཙོའི་ལམ་ནས་འོས་འདེམས་བྱུང་བའི་སྲིད་སྐྱོང་བློ་བཟང་སེང་གེ་མཆོག་ཀྱང་འཇིགས་བསྐུལ་བ་ཡིན་ལུགས་བརྗོད་པ་བཅས་ནི་བོད་མི་རིགས་ལ་མཐོང་ཆུང་དང་དྲང་བདེན་གྱི་འཐབ་རྩོད་ལ་ལོག་འགྲེལ་རྒྱབ་པ་ཞིག་ཡིན་དུས་དེའི་མཇུག་འབྲས་རྒྱ་གཞུང་གིས་ཁུར་དགོས་ཡོད།

༤) བོད་ནང་གི་ཞི་བའི་ངོ་རྒོལ་སྤྱི་དང་། ཁྱད་པར་དུ་རྒྱ་གཞུང་གི་ཡ་ང་སྙིང་རྗེ་མེད་པའི་སྡིག་རྩུབ་སྲིད་བྱུས་ཀྱི་འགོ་འཚོ་གནས་མ་ཐུབ་པར་རང་ལུས་མེར་བསྲེགས་གནང་གི་ཡོད་པ་དེར། རྒྱ་གཞུང་གི་སྤྱི་འབངས་ངོས་ནས་དོན་དངོས་གསལ་རྟོགས་མ་ཐུབ་པའམ། ཡང་ན་གཞུང་ཕྱོགས་ཀྱི་ལོག་འགྲེལ་གྱི་རྐྱེན་བྱས་པ། གང་ལྟར་དེའི་ཐད་དགོས་ངེས་ཀྱི་སེམས་ཚོར་དང་གདུང་སེམས་མཉམ་སྐྱེད་མེད་པ་ནི། ང་ཚོ་འགྲོ་བ་མིའི་རིགས་སྤྱི་ལ་གོད་ཆག་ཆེན་པོ་ཞིག་འབྱུང་ཉེ་བའི་སྣ་འདྲེན་ཡིན་ན། རྒྱལ་སྤྱིའི་གཞུང་མང་ཡོངས་ནས་ཅིས་ཀྱང་དོ་ཁུར་བྱེད་པའི་དུས་ལ་རན་པ་ཡིན་ཞུ་རྒྱུ།

༥) ༸ཀུན་གཟིགས་པཎ་ཆེན་རིན་པོ་ཆེ་མཆོག་གཙོས། སྤྲུལ་སྐུ་བསྟན་འཛིན་བདེ་ལེགས་མཆོག་དང་། ཉེས་མེད་ཆབ་སྲིད་བཙོན་པ་ཡོངས་རྫོགས་གློད་གློལ་དགོས་པ་རྒྱལ་ཚོགས་ཀྱི་འགྲོ་བ་མིའི་ཐོབ་ཐང་ཚན་པས་རྒྱ་གཞུང་ལ་གནོན་ཤུགས་སྤྲོད་དགོས་པ་འབོད་བསྐུལ་ཞུ་རྒྱུ།

༦) སྡེ་དགེ་འདན་པའི་སྡེ་དཔོན་རྒན་གཞོན་གཙོས་འཇུ་བཟུང་བྱས་པ་རྣམས་ཆ་རྐྱེན་མེད་པའི་ཐོག་འཕྲལ་དུ་གློད་བཀྲོལ་དགོས།

མཐའ་དོན་ཁམས་གསུམ་ཆོས་ཀྱི་རྒྱལ་པོ་འཛམ་གླིང་ཞི་བདེའི་དེད་དཔོན། བླ་ན་མེད་པའི་དབུ་འཁྲིད་༸སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་སྐུ་ཚེ་༸ཞབས་པད་བསྐལ་བརྒྱའི་བར་དུ་བརྟན་ཅིང་ཐུགས་ཀྱི་བཞེད་དགོངས་མཐའ་དག་ལྷུན་གྱིས་འགྲུབ་པ་དང་། གཞིས་བྱེས་མཉམ་འཛོམས་མྱུར་དུ་ཡོང་བའི་བཀྲིས་སྨོན་འདུན་བཅས།

                                                            བོད་ཀྱི་བུད་མེད་ལྷན་ཚོགས་ཀྱི་དབུས་སྤྱི་ཁྱབ་རྒྱུན་ལས་ཁང་ནས།ཕྱི་ལོ་༢༠༡༤།༩།༡༠

བོད་ཀྱི་དབུས་བུད་མེད་ལྷན་ཚོགས་ནས་ཐེངས་འདིའི་ཚེམ་བུ་སློབ་གཉེར་བ་བསྡུ་འགོ་འཛུགས་ཡོད།

ཐེངས་འདིའི་ཚེམ་བུ་སྦྱོང་བརྡར་ལ་ཞུགས་བློ་ཡོད་མཁན་རྣམས་ལ་གཤམ་གྱི་ཆ་རྐྱེན་ཁག་འཛོམས་དགོས་ཡོད།stitches_of_tibet_women_2012_22

  • ཚོགས་གཙོའི་མཚན་ཐོག་ལ་ཕུལ་རྒྱུ་སྙན་ཞུ་དང་ལྷན་དུ།

  • དཔྱ་ཁྲལ་ལག་དེབ་ཀྱི་ངོ་བཤུས་དང་།

  • བདེ་དོན་ལས་ཁུངས་ཀྱི་ངོ་སྤྱོར་ཡི་གེ

  • རྒྱ་གར་ནང་བསྡད་ཆོག་པའི་ལག་ཁྱེར་(RC)གྱི་ངོ་བཤུས།

  • ལུས་ཕུང་བདེ་ཐང་གི་ངོ་སྤྱོར་ཡི་གེ

  • སོ་སོའི་ཕྱེད་པར་ཅིག་བཅས་སོ།

གོང་གི་ཆ་རྐྱེན་འཛོམས་རིགས་ཀྱི་ངེད་ལྷན་ཚོགས་ཀྱི་གློག་ཀླད་ཁ་བྱང་twasot@gmail.comའམ་ཡང་ན་རྡ་སའི་དབུས་བུད་མེད་སྤྱི་ཁྱབ་རྒྱུན་ལས་ཁུངས་ལ་ཕྱི་ཟླ་དགུ་པའི་ཚེས་༢༥འགྱངས་མེད་སྙན་ཞུ་འབུལ་གནང་ཡོད་པར་ཞུ།

ཟུར་མཆན། 

བོད་ནས་གསར་དུ་འབྱོར་མཁན་ལ་གོ་སྐབས་གཙོ་འབུལ་གནང་རྒྱུ་ཡིན་ན་དེའི་དོན་དགོངས་འཇགས་ཡོད་པ་ཞུ།

 

 

 

བོད་ཀྱི་བུད་མེད་ལྷན་ཚོགས་ཀྱིས་ཉིན་ལྔའི་རིང་སྦྱོང་བརྡར་ཟབ་སྦྱོང་དེ་རིང་མཇུག་སྒྲིལ་བ་བྱས་ཡོད།

འཛུལ་ཞུགས་པ་དྲུག་བཅུ་བོས་ང་ཚོའི་བཙན་བྱོལ་སྤྱི་ཚོགས་ནང་ཕོ་མོ་དབྱེ་འབྱེད་དང་ཁྲིམས་དོན་ནུས་སྟོབས་གོང་སྤེལ་ཐད་ལ་ཤུགས་གནོན་རྒྱག་རྒྱུའི་དམ་བཅའ་བཞག

དེ་རིང་སྤྱི་ལོ་༢༠༡༤།༨།༧ཉིན། བོད་ཀྱི་བུད་མེད་ལྷན་ཚོགས་ཀྱིས་ཉིན་ལྔའི་རིང་གི་༼སྦྱོང་བརྡར་བ་རྣམས་ལ་སྦྱོང་བརྡར་༽ཅེས་སྦྱོང་བརྡར་ཟབ་སྦྱོང་དེ་ཉིད་ཀྱི་མཇུག་སྡོམ་སྟེང་། སྐྱེས་པ་ཕོ་བརྒྱད་ཀྱིས་ང་ཚོའི་སྤྱི་ཚོགས་ནང་༼བདེ་འཇགས་ཀྱི་ཁོར་ཡུག་༽བསྐྲུན་ལྷད་ཤུགས་གནོན་དང་ཡར་རྒྱས་ཡོང་ཐབས་ལ་འབད་བརྩོན་བྱེད་རྒྱུའི་དམ་བཅའ་བཞག་པ་ཇི་བཞིན།

Trainee with a pledge_ Tibetanདམ་བཅའ་ལེན་མཁན་དྲུག་བཅུ་བོས། སོ་སོ་སྒེར་གྱི་བསམ་བློའི་ཁྱེར་སྲོལ་དང་། ཕོ་མོ་དབྱེ་འབྱེད་ཀྱི་དཀའ་གནད་དང་དེའི་གོ་རྟོགས་སྤེལ་རྒྱུའི་གལ་གནད་ལ་གཅིག་འགྱུར་གྱི་ལྟ་སྟངས་བྱུང་ཡོད།

Building testimoniesདགུང་ལོ་༤༥ཅན་གྱི་ཨ་ཅག་བསྟན་འཛིན་སྒྲོལ་མ་ལགས་ཀྱིས་༼ངས་དེ་རིང་ནས་བཟུང་ཁོ་དང་མོ་སུ་ཡིན་རུང་། ཕོ་མོའི་གི་འདུ་ཤེས་སྟེང་ནས་མི་ལྟ་བར། དེ་བས་སུ་ཡིན་རུང་། འགྲོ་བ་མི་ཡིན་པ་དང་ཚང་མ་ལ་འགྲོ་བ་མིའི་ཆེས་སྤྱིར་སྟངས་ཀྱི་ཐོབ་ཐང་ཁག་ལ་ལོངས་སྤྱོད་ཀྱི་ཁེ་དབང་དང་ཐོབ་ཐང་གཅིག་མཚུངས་ཡོད་པར་ངོས་འཛིན་ཞུ་ཡི་ཡིན་ཞེས་དང་། ཁས་ལེན་དམ་བཅའ་བཞག

དགུང་ལོ་༢༣ དང་སློབ་ཕྲུག་སློབ་མ་ཕུན་ཚོགས་རྡོ་རྗེ་ལགས་ཀྱིས་༼ངས་ཆགས་སྲེད་ཀྱི་གནོད་འཚེ་འཐེབ་མཁན་སུ་ཡིན་རུང་སྲུང་སྐྱོབ་དང་རོགས་རམ་བྱ་ངེས་ཡིན་ལ། དེ་བས་བུད་མེད་ལ་འཚེ་བའི་རིགས་བྱས་པར་ངོ་རྒོལ་མཐའ་གཅིག་ཏུ་ཡོད་ཅེས་གསུང་པ་ཇི་བཞིན། ཐེངས་འདི་ཟབ་སྦྱོང་ལ་འཛུལ་ཞུགས་གནང་མཁན། ཁྲིམས་ལུགས་སློབ་མ། ཆབ་སྲིད་ལས་འགུལ་བ། ན་གཞོན་ཆེད་ལས་པ་དང་། ས་གནས་བུད་མེད་ཚོགས་པའི་རྒྱུན་ལས་དང་ཚོགས་མི། གཙུག་ལག་སློབ་གཉེར་ཁང་གི་ལས་བྱེད་བཅས་ཕྱོགས་ཡོངས་ནས་ཕེབས་མཁན་ཁོང་ཚོས་ཁོང་ཚོ་ལ་༼ལག་ལེན་གྱི་དཔའ་བོ་༽མིང་བྱང་འོག་ནས་ཆགས་སྲེད་ཀྱི་གནོད་འཚེ་ལ་ངོ་རྒོལ་དང་ལག་ལེན་སྟེང་ནས་དེ་རིགས་འགོག་ཐབས་གནང་གི་ཡིན་པའི་ཁས་ལེན་བྱས།

ཟབ་སྦྱོང་གི་ཉིན་བཞི་བར་སྦྱོང་བརྡར་གྱི་ཆ་ཤས་ཀྱི་ལེན་མཁན་ཡོངས་ལ་༸གོང་ ས་མཆོག་ལ་མཇལ་བཅར་གོ་སྐབས་བྱུང་བ་དང་། མཇལ་ཁའི་སྐབས་སུ་༸གོང་ས་མཆོག་གིས་༼འདི་ལྟ་བུ་ཁྲིམས་དོན་ནུས་སྟོབས་གོང་སྤེལ་ གྱི་ཟབ་སྦྱོང་རིགས་མུ་མཐུད་སྤེལ་གནང་དགོས་རེད་ལ། བུད་མེད་གཅིག་པུར་མ་ཡིན་པར་སྐྱེས་པ་ཕོ་ལའང་དེ་མཚུངས་སུ་གོ་རྟོགས་སྤེལ་དགོས་ རེད། སྤྱི་ཚོགས་ཀྱི་ཕོ་དང་བུད་མེད་གཅིག་པུར་ཕན་ཐོགས་སྒྲུབ་པ་ཙམ་མ་ཡིན་པར། མ་གྱུར་སེམས་ཅན་ཐམས་ཅན་ལ་ཕན་པ་སྒྲུབ་ཐབས་གནང་དགོས་༽ཞེས་བཀའ་སློབ་ལམ་སྟོན་ གནང་།
with His Holinessཡང་སྔོན་འགྲོའི་ཉིན་དང་བོར་༸དཔལ་རྒྱལ་བ་ཀརྨ་པ་མཆོག་དང་མཇལ་བཅར་གོ་སྐབས་ཀྱང་ཐོབ་པ་དང་བསྟུན། ༸དཔལ་ཀརྨ་པ་མཆོག་ནས་མཇལ་བཅར་རྣམས་དང་ཕོ་མོ་ངོ་རྟགས་སྐོར་ལ་གྲོས་བརྡར་གླེང་མོལ་གནང་བ་མ་ཟད། ༸ཁོང་ནས་ཁོང་གི་ངོས་ནས་ནང་བསྟན་ཆོས་ལུགས་ཀྱི་ཆོ་ཁ་དང་ཕྱག་ལེན་ཁྲོད་ན་ཕོ་མོ་དབྱེ་འབྱེད་ཏོག་ཙམ་ཡོད་པའི་དོ་སྣང་བྱུང་མྱོང་ཡོད་པའི་དགོངས་འཆར་གསུང་བ་མ་ཟད། ༸ཁོང་ནས་འཛུལ་ཞུགས་པ་རྣམས་ཀྱིས་མཐོང་རྒྱ་དང་ཐོས་རྒྱ་སྐྱེད་ནས་སྤྱི་ཚོགས་གཞན་དང་གཞན་གྱི་སླད་དུའང་རོགས་ཕན་དང་ཐུགས་ཁུར་གནང་འོས་པ་དང་། བུད་མེད་ཚོགས་སྡེ་གཞན་དང་མཉམ་རུབ་ཀྱི་ཕྱག་ལས་གནང་ཐབས་གནང་དགོས་ཞེས་བཀའ་སློབ་ལམ་སྟོན་གནང་།

With Gyalwa Karmapa

ཡང་དཔལ་ལྡན་སྲིད་སྐྱོང་བློ་བཟང་སེང་གེ་མཆོག་ལ་མཇལ་བཅར་སྐབས། ཁོང་གིས་ཉེ་ལམ་ང་ཚོའི་སྤྱི་ཚོགས་ནང་ལོ་ན་ཆུང་བའི་བྱིས་པ་འགའ་ལ་ཆགས་སྲེད་ཀྱི་གནོད་སྐྱོན་བྱུང་བ་འདི་ནི་མི་སྤྱོད་ལས་འདས་པ་ཞིག་དང་། ཕོ་མོ་དང་ལྷག་པར་བཟའ་ཚོའི་བར་གྱི་དཀའ་གནད་འདི་རིགས་འབྱུང་རྐྱེན་དང་དེ་རིགས་འབྱུང་འགྱུར་མི་བྱུང་པའི་སྔོན་འགོག་དགོས་ཚུལ་གྱི་བཀའ་མོལ་ཡུན་རིང་གནང་ཞིང་། ཡང་ཁོང་གིས་༼གནས་ཚུལ་འདི་རིགས་ལ་བཟོད་སྒོམ་གུ་ཡངས་གཏན་ནས་མེད་ལ། དེ་བས་ཉེས་དོན་ཐད་ཀར་ཁྲིམས་ཁར་བསྐྱལ་ཡ་རང་རེད་༽ཅེས་གསུངས།

with Sikyong Dr. Lobsang Sangay

IMG_6039གཞན་མཛད་སྒོའི་སྐུ་མགྲོན་ཏུ་ཕེབས་པའི་དཔལ་ལྡན་སྤྱི་འཐུས་ཚོགས་གཙོ་སྤེན་པ་ཚེ་རིང་མཆོག་གིས་༼ཁྲིམས་དོན་གྱི་ལས་གཞི་འདི་རིགས་དང་། ལྷག་པར་ཆགས་སྲེད་ཀྱི་གནོད་སྐྱོན་དང་ཉེས་ཁྲིམས་དེ་རིགས་སྐྱེས་པ་མོ་ལས་ཕོ་ལ་མང་ཙམ་གོ་སྤྲོད་དང་གོ་རྟོགས་སྤེལ་རྒྱུ་གལ་ཆེན་རེད་༽ཅེས་གསུངས།

ཐེངས་འདིའི་ཟབ་སྦྱོང་བརྒྱུད། ཕོ་མོ་དབྱེ་འབྱེད་ཅེས་པའི་གོ་དོན་གསལ་བཤད་དང་། ལོ་རྒྱུས་ཀྱི་འཕེལ་རིམ། ཡང་རང་དང་གཞན་ཡར་རྒྱས་གཏོང་སྟངས་དང་བདེ་ཐང་ཅན་སྤྱི་ཚོགས་བསྐྲུན་ཐབས་ལ་དམིགས་ནས། སྤྱི་ཚོགས་ཚན་རིག་པ་དང་། བུད་མེད་རིང་ལུགས་པ་དང་ཕོ་མོ་དབྱེ་འབྱེད་ཀྱི་དཀའ་གནད་ཟབ་ཁྲིད་པ་ལྕམ་ཀརྨ་ལ་བྷན་སན་མཆོག་དང་། སྒྱུ་རྩལ་བ་དང་བུད་མེད་རིང་ལུགས་སྨྲ་བ་ལྕམ་སྐུ་ཇསུམིན་པ་ཐི་ཅ། བུད་མེད་ནུས་སྟོབས་གོང་འཕེལ་གྱི་ལས་འགུལ་བ་དང་བོད་མི་མང་སྤྱི་འཐུས་ཤར་གླིང་ཟླ་སྒྲོན་ལགས་བཅས་ཀྱིས། སྤྱི་ཚོགས་སྟེང་ནས་ཆགས་སྲེད་ཀྱི་གནོད་འཐེབ་མཁན་སྐྱེས་པ་དང་བུད་མེད་རྣམས་ཀྱི་དཀའ་གནད་སེལ་སྟངས་བཅས་ཀྱི་སྐོར་དང་། ལྷག་དོན་རང་ཉིད་ཀྱི་སྙིང་སྟོབས་དང་འདུན་པ་སོགས་རྒྱ་བསྐྱེད་གནང་སྟངས་བཅས་ཀྱི་ལག་སྟེར་དང་དཔེ་མཚོན་ལམ་ནས་སློབ་སྟོན་གནང།IMG_6195

གཞན་ཟབ་སྦྱོང་འདིའི་དགོས་དམིགས་གཙོ་ནི། རྒྱ་གར་གྱི་ཁྲིམས་ཁ་ནས་བུད་མེད་དང་བྱིས་པ་སྲུང་སྐྱོབ་ཀྱི་ཁྲིམས་རྩ་གང་ཡོད་ངོ་སྤྲོད་དང་། དེ་ཉིད་བེད་སྦྱོད་གཏོང་སྟངས། ལག་བསྟར་བརྡ་འདེད་གཏོང་སྟངས་བཅས་ཡིན་པ་བཞིན། ༼རྒྱ་གར་ཁྲིམས་ཁ་ན་བུད་མེད་དང་བྱིས་པ་སྲུང་སྐྱོབ་གང་ཡོད་པ་ངོ་སྤྲོད་ཀྱི་རྒྱུན་སྤྱོད་ལག་དེབ་༽ཅེས་དབྱིན་བོད་གཉིས་ནང་ཡོད་པའི་ལག་དེབ་ཅིག་ཀྱང་པར་སྐྲུན་འགྲེམས་སྤེལ་ཞུས།

 

བོད་ཀྱི་བུད་མེད་ལྷན་ཚོགས་ཀྱིས་ད་ལོ་༢༠༡༣་ནས་གལ་གནད་དུ་བཟུང་ནས་ཁྲིམས་དོན་གོང་འཕེལ་གྱི་ལས་གཞི་གལ་གནད་དུ་བཟུང་ནས་གལ་གནད་དུ་བརྩིས་ནས་འཛུལ་ཞུགས་པ་རྣམས་ལ་ཁྲིམས་དོན་ཀྱི་སྦྱོང་བརྡར་ཟབ་སྦྱོང་ཐོབ་པའི་དཔང་རྟགས་ལག་ཁྱེར་ཡང་སྤྲོད་ཀྱི་ཡོད། དེ་ལྟར་བོད་ཀྱི་བུད་མེད་ལྷན་ཚོགས་ཀྱིས་ཟབ་སྦྱོང་འདི་དང་། བྱེ་བྲག་ཁྲིམས་དོན་གྱི་སྦྱོང་བརྡར་སྤྲོད་ས། ཚོགས་སྡེ་དང་སྒེར་གང་ཡིན། རང་རེའི་སྤྱི་ཚོགས་ཀྱི་བདེ་འཇགས་དང་སྤྱི་ཚོགས་ཀྱི་ཁ་འབུགས་ཡར་རྒྱས་གཏོང་ཐད་ལ་སྨན་པའི་རེ་བ་བཅོལ་གྱི་ཐོག སྤྱི་ཚོགས་ཀྱི་དཀའ་གནད་འདི་རིགས་ལ་གཡོ་ཐབས་དང་སྣང་ཆུང་གནང་བའི་བྱེད་བབ་ཁག་རྒྱུན་གནས་དང་གསོར་འཇོག་བྱེད་འདོད་མེད་པ་བཅས་སོ།IMG_9505

འབྲེལ་བ་གནང་ས།
ཚོགས་གཙོ་བཀྲ་ཤིས་སྒྲོལ་མ། ༩༤༥༩༥༥༣༩༥༣
ནུས་སྟོབས་གོང་འཕེལ་གྱི་འགན་ཁུར་བ་རྡོ་རྗེ་སྐྱིད། ༩༨༨༢༦༤༦༧༨༨

 

 

 

en_USEnglish