སློབ་ཡོན་གསལ་བསྒྲགས། ༢༠༡༣

Tibetan-Womens-Association-logoབོད་ཀྱི་བུད་མེད་ལྷན་ཚོགས་ཀྱི་ཕྱི་ལོ་ ༢༠༡༣ ལོར་བུད་མེད་གཅིག་ལ་སློབ་ཚན་ Gynaecology or Paediatric གང་རུང་གཅིག་གི་ཐོག་སློབ་ཡོན་འབུལ་གྱི་ཡོད་ན། གཤམ་གྱི་ཆ་རྐྱེན་ཚང་རིགས་བུད་མེད་སློབ་མ་རྣམས་ནས་སྙན་ཞུ་གནང་དགོས།

བུད་མེད་ལྷན་ཚོགས་ཀྱི་ཚོགས་མིའི་ཕྲུ་གུར་དམིགས་བསལ་གྱི་བསམ་ཞིབ་གནངགི་ཡོད།

ས་མིག་དེར་འཛིན་རིམ་བཅུ་གཅིག་དང་། བཅུ་གཉིས་ནང་ཚན་རིག་ ལེན་ཡོད་ན། གོང་གི་སློབ་སྦྱོང་ཐོག Diploma གནང་རྒྱུར་སློབ་ཡོན་འབུལ་རྒྱུ་དང་། ཡང་ M .B.B.S.ཐོན་ཡོད་ན་དེ་ལ་གཞིགས་པའི་སློབ་ཡོན་འབུལ་རྒྱུ་ཡིན། ཞུགས་འདོད་ཡོད་རིགས་སློབ་མ་ནས་དོ་བདག་གི་སྙན་ཞུའི་ནང་སོ་སོའི་ངོ་སྤྲོད་ཐུང་ཙམ་རེ་དང་། ནང་མིའི་གནས་སྟངས། དོ་བདག་ནས་སློབ་ཚན་དེར་ཞུགས་དགོས་པའི་དམིགས་ཡུལ་ངེས་ཅན་གང་ཡིན། བཅས་འཁོད་པའི་སྙན་ཞུ།

བུད་མེད་ལྷན་ཚོགས་ཀྱི་དབུས་རྒྱུན་ལས་ཁང་དུ། ༢༠༡༣ ཕྱི་ཟླ་ ༦ པའི་ཚེས་༡༥ ནང་ཚུན་འབྱོར་བ་གནང་དགོས།

གཤམ་གྱི་ཆ་རྐྱེན་དགོས་རྒྱུར་ཐུགས་སྣང་མཛོད།

༡༽བོད་མིའི་དང་བླངས་དཔྱ་དངུལ་ལག་དེབ་ནང་༢༠༡༣ ལོའི་དངུལ་བབ་ཕུལ་ཟིན་པའི་ངོ་ཤུས།
༢༽འཛིན་རིམ་བཅུ་གཅིག་དང་། བཅུ་གཉིས་ཀྱི་ལག་ཁྱེར་གྱི་ངོ་ཤུས།
༣༽ M.B.B.S.ཐོན་པ་ཡིན་ན་ལག་ཁྱེར་གྱི་ངོ་ཤུས།
༤༽ གཟུགས་པོ་བདེ་ཐང་ཡིན་པའི་སྨན་པ་ཚད་ལྡན་གྱི་ལག་ཁྱེར། བཅས་ཚང་བའི་ཐོག་གོང་འཁོད་ཚེས་གྲངས་ནང་ ཚུན་གཏོང་གནང་དགོས་པ་དགོངས་འཇགས་ཞུ།

Email-tibwomen@gmail.com

བོད་ཀྱི་བུད་མེད་ལྷན་ཚོགས་དབུས་སྤྱི་ཁྱབ་རྒྱུན་ལས་ཁང་ནས། ༢༠༡༣།༤།༡༥ ཉིན། འབྲེལ་མཐུད་ཨང་གྲངས། ༠༡༨༩༢-༢༢༡༥༢༧

 

 

བཙུན་མའི་ནུས་སྟོབས་གོང་འཕེལ་གྱི་ཟབ་སྦྱོང་།

group pic༄༅།།   བོད་ཀྱི་བུད་མེད་ལྷན་ཚོགས་ཀྱིས་བཙུན་མའི་ནུས་སྟོབས་གོང་འཕེལ་གྱི་ཟབ་སྦྱོང་ཐེངས་ལྔ་པ་དེ་ ༢༠༡༣།༤ པའི་  ཚེས་ ༡༧ ནས་༢༣ བར་ Selaqui བོད་ཁྱིམ་ལག་ཤེས་སློབ་གྲྭའི་ཚོགས་ཁང་དུ་གོ་སྒྲིག་ཞུས་པ་དེ་བཞིན་ཕྱི་ཟླ་བཞི་ པའི་ཚེས་ ༢༤ ཉིན་མཇུག་ཚགས་འཚུད་ངང་མཇུག་བསྒྲིལ་ཡོད།

བདུན་གཅིག་གི་ཟབ་སྦྱོང་ནང་རྒྱ་གར་ནང་བཅའ་བཞུགས་བཙུན་དགོན་ཁག་བཅུ་ནས་བཙུན་མ་ཞལ་གྲངས་ ༢༦ ནས་ཕེབས་ཐུབ་ཡོད།  དེ་ཡང་ལ་དྭགས་བཙུན་མའི་ལྷན ཚོགསདང་།  རྡེ་ར་ལྡུན་ཁུལ་ནས་འབྲི་གུང་བསམ་གཏན་གླིང་ བཙུནདགོན་དང་།  ས་སྐྱ་རིན་ཆེན་ཆོེས་འཁོར་གླིང་བཙུན་དགོན།  ཏི་ལི་པུར་ཀརྨ་འགྲུབ་རྒྱུད་དར་རྒྱས་གླིང་བཙུནདགོན།  ཨོ་རི་ས་ནམ་མཁའ་ཀུན་རྫོང་བཙུན་དགོན།  རྡ་ས་འཇམ་དབྱངས་ཆོས་གླིང་བཙུན་དགོན། ཤུག་གསེབ་ཨོ་རྒྱན་ རྫོང་བཙུན་དགོན།  སྒྲོལ་མ་གླིང་བཙུན་དགོན་དང་།  དགེ་ལྡན་ཆོེས་གླིང་བཙུན་དགོན་བཅས་ནས་མཉམ་ཞུགས་གནང་ ཡོད།

བོད་རིགས་ཤེས་འཇོན་གཉིས་ལྡན་གྱི་ཟབ་འཁྲིད་པ་བཞི་ཆེད་དུ་གདན་ཞུས་ཀྱིས་བརྗོད་གཞི་འདྲ་མིན་ཐོག་ཟབ་སྦྱོང་ ཕུལ་ཐུབ་ཡོད།  དེ་ཡང་བོད་མི་མང་སྤྱི་འཐུས་ལས་ཐོག་ཤར་གླིང་བསྟན་འཛིན་ཟླ་སྒྲོན་མཆོག་གིས་ཉིན་གཉིས་རིང་ འབྲེལ་ལམ་གནང་སྟངས་ཀྱི་རྩལ་དང་། ཡར་རྒྱས་དང་རང་མགོ་རང་ཐོན་ཆགས་ཐུབ་ཐབས་སྐོར་ཟབ་འཁྲིད་གནང་ཡོད།    བོད་མིའི་སྒྲིག་འཛུགས་ཀྱི་བུད་མེད་ནུས་སྟོབས་གོང་འཕེལ་གྱི་ལས་བྱེད་ཚེ་དབྱངས་ལགས་ཀྱིས་བཙུན་མའི་ནུས་སྟོབས་ གོང་འཕེལ་དང་འབྲེལ་ཟབ་འཁྲིད་དང་།  ལག་ཤེས་སློབ་གཉེར་ཁང་གི་འགན་འཛིན་ལྷག་པ་དོན་འགྲུབ་ལགས་ཀྱིས་ཟས་ བཅུད་བསྟེན་ཕྱོགས་ཐོག་ཟབ་འཁྲིད་དང་།  དེ་བཞིན་བོད་ཁྱིམ་དཔེ་སྟོན་སློབ་གྲྭའི་དབུ་འཛིན་འབྲུག་ཚེ་རིང་ལགས་ཀྱིས་ སྲོག་དང་སེམས་ཀྱི་འབྲེལ་བ་ཡོང་སྟངས་ཐོག་ཟབ་སྦྱོང་གནང་ཡོད།  nun speaking.. group presentation

ཟབ་སྦྱོང་དེ་དག་འཆད་ཉན་ཙམ་གྱི་ལམ་ནས་མ་ཡིན་པར་བགྲོ་གླིང་དང་། བསམ་ཚུལ་བརྗེ་ལེན། རྩེད་མོ་བཅས་ཐབས་ ལམ་སྣ་མང་བརྒྱུད་གོ་རྟོགས་སྤེལ་རྒྱུར་འབད་བརྩོན་ཞུས་ཡོད།

ཉིན་མ་གཅིག་དམིགས་བསལ་ཌེ་ར་ལྡུན་ཁུལ་ཤེས་ཡོན་དང་འབྲེལ་ཆགས་ལྟི་གནས་ཁ་བཤས་ལ་གཟིགས་བསྐོར་གོ་ སྒྲིག་ཞུས་ནས།  སྙན་གྲགས་ཆེ་བའི་Doon school  ནང་སྔ་དྲོའི་ཉིན་ཕྱེད་དུས་ཚོད་ཞུས་ཐོབ་ལྟར་གོ་སྐབས་ལེན་ ཐུབ་ཡོད།  དེ་མཚུངས་གྲགས་ཆེ་བའི་ཤིང་ནགས་ཉམས་ཞིབ་ལྟི་གནས་དང་འགྲེམས་སྟོན་ཁང་བཅས་སུའང་བསྐྱོད་རྒྱུ་ བྱུང་ཡོད།

སྒྲོལ་མ་གླིང་བཙུན་མ་ཕུན་ཚོགས་ལམ་སྒྲོན་ལགས་ནས།  ཟབ་སྦྱོང་དེ་ནི་ཁོང་རང་ཉིད་ཀྱི་མི་ཚེའི་ནང་ཐེངས་དང་པོ་ ཆགས་ཡོད།  བདུན་གཅིག་གི་ཟབ་སྦྱོང་ནང་སོ་སོས་ནམ་རྒྱུན་རང་ཉིད་ལ་ངོས་འཛིན་བྱེད་སྟངས་ཁ་ཤས་ནོར་འཁྲུལ་ ཡིན་པ་ངོ་སྤྲོད་ཀྱིས་འགྱུར་བ་གཏོང་དགོས་རྒྱུ་དང་།  གང་ཟག་སོ་སོ་ལ་ཡོད་པའི་རྩལ་དང་རྣམ་དཔྱོད་དེ་བེད་དཔྱོད་ གཏོང་རྒྱུར་སོ་སོར་ཡིད་ཆེས་དང་གདེང་སྤོབས་གསར་པ་ཞིག་བརྙེད་པ་ལྟ་བུའི་འཚོར་བ་ཞིག་སྐྱེས་སོང་བསམ་གྱི་ཡོད་ ཅེས་དགོངས་འཆར་གནང་སོང།

nun on tourཟབ་སྦྱོང་བ་ཚང་མས་ཟབ་སྦྱོད་དེ་བརྒྱུད་ལེགས་ཆ་གསར་པ་མང་པོ་ཤེས་སོང་།  ད་དུང་དེ་རིགས་གང་མང་གནང་ཐུབ་ ན་ཕན་ཐོགས་ཆེན་པོ་ཡོང་རེའི་དགོངས་འཆརཡང་གནང་སོང་།

བུད་མེད་ལྷན་ཚོགས་ཀྱི་དྲུང་ཆེ་ཉི་མ་ལྷ་མོ་ལགས་ནས།  དེ་རིང་གི་ཟབ་སྦྱོང་རག་པ་བརྒྱུད་ཕན་ཐོགས་དང་གང་ཤེས་པ་  རྣམས་རང་གཅིག་པོའི་རྒྱ་ཁྱོན་ཙམ་དུ་མ་ཡིན་པར་རྒྱ་བསྐྱེད་ཀྱིས་གཞན་ལའང་ལམ་སྟོན་དང་ཕན་ཐོགས་གནང་ཐུབ་ པའི་ཡེད་ཆེས་དང་རེ་བའང་ཞུ་ཡི་ཡོད།  སྤྱི་ཚོགས་ནང་ཕན་ཐོགས་ཡོད་པའི་ལས་རིགས་མུ་མཐུད་གནང་ཐུབ་རྒྱུར་བུད་ མེད་ལྷན་ཚོགས་ཀྱིས་གཙིགས་ཆེར་འཛིན་གྱི་ཡོད་ལ་རྣམ་པ་ཚོས་ཀྱང་སྔར་ལྷག་མཉམ་ཞུགས་གནང་རྒྱུར་གཅིག་མཚུངསགལ་ཆེར་བརྩི་རོགས་གནང་།  ཞེས་གསུངས་ཡོད།

གསར་འགོད་འབྲེལ་བ་གནང་ཡུལ་ཨང་གྲངས།   ཉི་མ་ལྷ་མོ་དྲུང་ཆེ། ༠༩༨༨༢༥༠༢༨༢༡

བསྟན་འཛིན་ཆོས་སྒྲོན།  འབྲི་གུང་བསམ་གཏན་གླིང་བཙུན་མ།  ༠༩༧༦༦༠༦༤༥༢

བསྟན་འཛིན་ལྷག་སྐྱིད།  དགེ་ལྡན་ཆོས་གླིང་བཙུན་མ།  ༠༩༤༡༡༡༡༩༤༦

ཡེ་ཤེས་ལྷ་མོ།  ཏི་ལི་པུར་བཙུན་མ།  ༠༩༤༡༨༥༢༥༨༥༢

བུད་མེད་ཀྱི་ཚད་མཐོའི་འགན་ཁུར་སྣེ་ཁྲིད་ཀྱི་ཟབ་སྦྱོང་གོ་སྒྲིག

ATWLTདེའང་དབུས་བོད་ཀྱི་བུད་མེད་ལྷན་ཚོགས་ཀྱི་ཉིན་བཅུའི་རིང་གི་བུད་མེད་ཀྱི་ཚད་མཐོའི་འགན་ཁུར་སྣེ་ཁྲིད་ཀྱི་ཟབ་སྦྱོང་ཐེངས་གསུམ་པ་དེ་ལེགས་གྲུབ་མཇུག་སྒྲིལ་བྱུང་ཡོད།

ཟླ་འདིའི་ཕྱི་ཚེས་ ༡༨ ནས་ཚེས་ ༢༧ བར་ཉིན་བཅུའི་རིང་དབུས་བོད་ཀྱི་བུད་མེད་ལྷན་ཚོགས་ཀྱི་གོ་སྒྲིག་འོག ལས་བྱེད་དང་མཐོ་སློབ་འགྲིམས་བཞིན་པའི་བོད་རིགས་བུད་མེད་ཚོར་ཚད་མཐོའི་མགོ་ཁྲིད་སྦྱོང་བརྡར་གྱི་ཟབ་སྦྱོང་ཞིག་སྤྲད་ཡོད་ཅིང་། ཉིན་མཐའ་མའི་མཇུག་སྡོམ་མཛད་སྒོའི་སྐུ་མགྲོན་དུ་རྒྱ་གར་གྱི་བུད་མེད་ཆབ་སྲིད་ལས་འགུལ་པ་ཀཱེ་རན་བྷེ་ཊི་(Dr.Kiran Bedi) དང་། སྤྱི་ཚོགས་ལས་འགུལ་པ་ལྕམ་ཇཱ་ཡཱ་(Jaya Jaitlley)། གྷན་ཌེ་ཞི་བདེ་ཐེབས་རྩའི་ཚོགས་གཙོ་རཱ་ཌཱ་བྷ་ཊི་(Radha Bhatt)། འབར་མའི་འགྲོ་བ་མིའི་ཐོབ་ཐང་འཐབ་རྩོད་པ་ཨ་ལཱ་ཎ་(Dr.Alana Golmei) བཅས་ཕེབས་ཏེ་བུད་མེད་ཀྱི་ནུས་པ་དང་འགན་འཁྲིའི་ཐད་གཏམ་བཤད་བྱས་ཡོད།

ཐེངས་འདིའི་མགོ་ཁྲིད་ཟབ་སྦྱོང་ནང་ས་གནས་འདྲ་མིན་ནས་ན་གཞོན་བུད་མེད་ ༢༥ ཙམ་མཉམ་ཞུགས་བྱས་ཡོད་ལ། ཉིན་ ༡༠ རིང་གི་ཟབ་སྦྱོང་སྐབས་རྒྱ་གར་དང་འབར་མ་སོགས་ཀྱི་བུད་མེད་ཟབ་སྦྱོང་ཆེད་མཁས་པ་ཁག་གདན་ཞུས་ཐོག ཟབ་སྦྱོང་ནང་ཞུགས་མཁན་བོད་རིགས་བུད་མེད་ཚོར་བརྗོད་གཞི་འདྲ་མིན་ཐད་ནས་བུད་མེད་མགོ་ཁྲིད་ཀྱི་ཟབ་སྦྱོང་སྤྲད་ཡོད་འདུག

ཐེངས་འདིའི་ཟབ་སྦྱོང་གི་ཉིན་མཐའ་མར་ མོན་གྷོ་ན་ཚོགས་ཁང་༼ཨེ་ཤེ་ཡའི་གླིང་གི་བུད་མེད་སྣེ་ཁྲིད་ཀྱི་བྱེད་སྒོ༽ཞེས་དུས་ཡུན་སྐར་མ་དགུ་བཅུ་ཅན་གྱི་བགྲོ་གླེང་ཚོགས་འདུ་ཞིག་ཀྱང་གོ་སྒྲིག་བྱས་ཡོད། སྐབས་དེར་བགྲོ་གླེང་བ་ ཀཱེ་རན་བྷེ་ཊི་ལགས་ཀྱིས། “དུས་རྒྱུན་མི་རྣམས་ཀྱི་སྣང་ངོར་མགོ་ཁྲིད་ཅེས་པའི་ཐ་སྙད་འདི་འཆར་མ་ཐག དེ་ནི་ནུབ་ཕྱོགས་ཀྱི་གང་ཟག་ཅིག་ཡིན་ཤག་གནང་གི་ཡོད་མོད། ཨེ་ཤེ་ཡའི་གླིང་ཕྲན་དུའང་ད་བར་མགོ་ཁྲིད་མ་བྱོན་པ་ག་ལ་ཡིན། དཔེར་ན། བོད་ཀྱི་དབུ་ཁྲིད་༧གོང་ས་ཏཱ་ལའི་བླ་མ་མཆོག་དང་མ་ཧ་མ་དི་གྷན་རྡི་སོགས་སྐྱེས་བོ་ཚད་ལྡན་བྱོན་མྱོང་ལ། དེ་མཚུངས་སུ་བུད་མེད་མགོ་ཁྲིད་ལྕམ་ཨང་སན་སོའུ་ཀི་དང་ཨིན་རྡིར་གྷིན་རྡི། པན་ན་འཛར་པོའུ་ཌོ་སོགས་གདའ་ན། བློ་བསྐྱེད་ཀྱི་མིག་དཔེ་འདི་དག་བཞག་ཆོག”ཅེས་ནན་གསུངས་གནང་ཞིང་། སྤྱི་ཚོགས་ལས་འགུལ་པ་ལྕམ་ཇཱ་ཡཱ་(Jaya Jaitlley)། ལགས་ཀྱིས་མགོ་ཁྲིད་ཀྱི་མཚོན་བྱེད་གསུམ་ཞེས་རང་ཉིད་ཅི་ལྟར་མང་གི་མང་གི་མགོ་ཁྲིད་མཁན་ཞིག་ཏུ་འགྱུར་ཐབས་དང་། མགོ་ཁྲིད་པར་བྱེད་པ་ལ་དགོས་ངེས་ཀྱི་མི་གཤིས་དང་བློས་བཏང་གི་ལེགས་སྐྱེས་གང་འབུལ་སྐོར་གཙོས། བུད་མེད་རྣམས་ཀྱི་རང་བཞིན་ལྷན་སྐྱེས་སུ་ཞི་བདེ་ལ་དགའ་བའི་གང་ཟག་ཅིག་ཡིན་ཙང་། བུད་མེད་ནི་དུས་རབས་འདིའི་ཞི་བདེ་ཡི་དམག་དཔུང་གཅིག་པུ་དང་ཞི་བདེ་ཡི་འབྱུང་ཁུངས་དངོས་སྟེ་ཡིན་ཞེས་གསུངས་པ་སོགས་བགྲོ་གླེང་བ་རིམ་པས་བརྗོད་གཞི་དང་འབྲེལ་བའི་བཀའ་མོལ་གསུང་བཤད་གནང་ཡོད།

ཐེངས་འདིའི་ཟབ་སྦྱོང་གི་འགྲོ་གྲོན་གྱི་ཡོངས་ཁུངས་ནི་སྔར་ལོ་བཞིན་ངེད་ལྷན་ཚོགས་ཁག་ང་འབྲེལ་བའི་རོགས་ཚོགས་ཁག་ནས་ནར་གཏོང་གནང་བ་ཞིག་ཆོགས་ཡོད།

ཟབ་སྦྱོང་ནང་མཉམ་ཞུགས་བྱེད་མཁན་ལྡི་ལི་མཐོ་སློབ་ཀྱི་སློབ་མ་ཚེ་རིང་སྐྱིད་ཀྱིས། བུད་མེད་ལྷན་ཚོགས་ཀྱིས་གོ་སྒྲིག་བྱས་པའི་ཟབ་སྦྱོང་འདིའི་རིགས་ནི། མ་འོངས་པར་བུད་མེད་མགོ་ཁྲིད་གསོ་སྐྱོང་གི་རྨང་གཞི་ཆེན་པོ་ཞིག་ཆགས་ངེས་ཡིན་པ་བརྗོད་འདུག།

en_USEnglish