Deepest condolences to the family and friends of AMA ADHE, former political prisoner(1928-2020).

Deepest condolences to the family and friends of AMA ADHE, former political prisoner(1928-2020).
She was one of the few Tibetans who survived to tell her life stories of inhumane torture by the People’s republic of China.
Her autobiography is the riveting account of 27 years of imprisonment and also of those martyrs who did not survive.
TWA is honoured to be the one to translate her autobiography into Tibetan.
We had prayer for the demise of former political prisoner Ama Adhe at office. it was followed by Candle Light Vigil at McLeod Ganj.

REST IN PEACE🙏🏻🙏🏻🙏🏻

 

བོད་ཀྱི་བུད་མེད་ལྷན་ཚོགས་ཀྱིས་སླར་ཡང་དུས་བཅད་༼༢༠༡༤།༤།༢༥་ནས་༢༠༡༥།༤།༢༥༽ནང་རྒྱ་གཞུང་གིས་༸པཎ་ཆེན་དགེ་འདུན་ཆོས་ཀྱི་ཉི་མ་མཆོག་སྐུ་འཚོ་བཞུགས་ཡོད་མེད་གསལ་སྟོན་དགོས་པའི་ནན་བཤད།

11th_PanchenLama2དེ་རིང་ནི་དགུང་ལོ་དྲུག་ཅན་གྱི་བྱིས་པ་སེམས་མེད་ཅིག་འཛམ་གླིང་གི་ལོ་རྒྱུས་ཁྲོད་ཉེས་མེད་བཙོན་པ་ཆུང་ཤོས་ཆགས་པའི་༧ཀུན་གཟིགས་དགེ་འདུན་ཉི་མ་མཆོག་དང་ཡབ་ཡུམ་འཁོར་བཅས་བཙན་འཁྲིད་བྱས་ནས་མི་ལོ་༡༩འཁོར་བའི་ཉིན་མོ་རེད།

 

བོད་རང་སྐྱོང་ལྗོངས་ཀྱི་མགོ་གཙོ་ཟུར་བ་ཀྲང་ཆི་ལི་ཡིས་དེ་སྔོན་ཞིག་ལ་༸པཎ་ཆེན་དགེ་འདུན་ཆོས་ཀྱི་ཉི་མ་མཆོག་ད་ལྟ་བདེ་འཚམས་ཡིན་སྐོར་གྱི་སྐད་ཆ་ཞིག་བཤད་པ་རེད་མོད། ད་བར་ཁུངས་སྣེ་སྣ་གཅིག་སྟོན་རྒྱུར་མེད་པ་བརྒྱུད་རྒྱལ་སྤྱིའི་རང་དབང་ཉམས་ཞིབ་པ་དང་ཁོང་ལ་སྒོ་གསུམ་དད་པ་གཡོལ་མེད་གནང་མཁན་དད་ལྡན་ཡོངས་ཀྱི་སེམས་ལ་༧མཆོག་སྤྲུལ་རིན་པོ་ཆེ་སྐུ་འཚོ་བཞུགས་ཡོད་མེད་ལ་དོགས་པ་རྣམ་རྟོག་ཇེ་ཆེར་དང་། གལ་སྲིད་བཞུགས་མེད་ཚེ་ག་རེ་གནང་མིན་གྱི་གླེང་སློང་ཡང་ཇེ་མང་དུ་འགྲོ་བཞིན་ཡོད་པ་དང་ལྷན། ༸ཁོང་ལ་མཇལ་སྐལ་མ་ལྡན་པར་ལྷག་པའི་བོད་མིའི་སེམས་ཀྱི་དྲན་གདུང་དང་མནར་སྡུག་ཀྱང་མུ་མཐུད་ཐེག་མི་ཐུབ་པའི་ཚད་དུ་སླེབས་ཡོད་ན།

 

ཉིན་མོ་འདིར་ངེད་བོད་ཀྱི་བུད་མེད་ལྷན་ཚོགས་ཀྱི་དབུས་ས་ཚོགས་མི་༡༧༠༠༠པས།  རྒྱ་ནག་གཞུང་དང་བོད་རང་སྐྱོང་ལྗོངས་ཀྱི་འགོ་གཙོ་ཁྲིན་ཅན་ཀོ་འབོད་པར་སླར་ཡང་ཚོར་ཤུགས་ཆེན་པོས་ནན་ཞུ་བྱེད་རྒྱུ་ཞིག་ལ། སང་ལོའི་ཟླ་༤ཚེས་༢༥་ཉིན་བར་༧ཀུན་གཟིགས་དགེ་འདུན་ཆོས་ཀྱི་ཉི་མ་མཆོག་འཚོ་བཞུགས་ཀྱི་གནས་བབ་གསལ་སྟོན་དགོས་པ་གོ་སྐབས་འདི་བརྒྱུད་ཁ་བརྡ་སྤྲོད་རྒྱུ་དང་སྦྲགས།

 

སྔ་ལོ་༢༠༡༣། ༡༡། ༡༢ ཉིན། རྒྱ་ནག་གཞུང་སླར་ཡང་རྒྱལ་ཚོགས་ཀྱི་ཚོགས་མིར་འགྱུར་ནས་ཁས་ལེན་དམ་བཅའ་གང་མང་ཞིག་བཞག་ཁྲོད། བོད་དང་བོད་མིའི་ཆོས་དད་རང་མོས་དང་སྨྲ་བརྗོད་རང་དབང་མཚོན་པའི་གཞིའི་རྩའི་ཐོབ་ཐང་ཁག་ཡར་རྒྱས་གཏོང་རྒྱུར་ཁས་ལེན་བྱས་ཁག་ལག་ལེན་བསྟར་རྒྱུར་སླར་ཡང་དྲན་བསྐུལ་བྱེད་ཀྱི་ཡོད།

 

དེའང་སྤྱི་ལོ་༡༩༨༩ཟླ་༡ཚེས་༢༨ཉིན་༸ཀུན་གཟིགས་པཎ་ཆེན་རིན་པོ་ཆེ་སྐུ་ཕྲེང་བཅུ་པ་ཆེན་པོ་མཆོག་གདན་ས་བཀྲ་ཤིས་ལྷུན་པོ་ནས་དགོངས་པ་རྫོགས་ཤིང༌། ༸ཁོང་སྐུ་གཤེགས་པ་ནས་བོད་གཞིས་བྱེས་གཉིས་ཀྱི་གདན་ས་བཀྲ་ཤིས་ལྷུན་པོ་དང༌། དེ་བཞིན་བོད་ཆོལ་ཁ་གསུམ་གྱི་དད་ལྡན་མང་ཚོགས་མང་པོས་ཇི་ལྟར་གསོལ་འདེབས་སྐྱབས་འཇུག་ཞུས་དོན་བཞིན། ༸སྤྱི་ནོར་ྋགོང་ས་རྒྱལ་བ་ཐམས་ཅད་མཁྱེན་པ་ཆེན་པོ་མཆོག་གིས་ཐུགས་ཁུར་ཆེ་བཞེས་དང་བཅས་ཏེ།   བོད་ས་སྤྲུལ་ལོའི་ཟླ་ ༣ ཚེས་ ༡༩ དང་ཕྱི་ལོ་ ༡༩༨༩ ཟླ་ ༤ ཚེས་ ༢༥ ཉིན་ནག་ཆུ་ཁུལ་ལྷ་རི་རྫོང་དུ་སྐྱེད་ཡབ་དཀོན་མཆོག་ཕུན་ཚོགས་དང༌། སྐྱེད་མ་བདེ་ཆེན་ཆོས་སྒྲོན་གཉིས་ཀྱི་སྲས་སུ་སྐུ་བལྟམས་པའི་ཁྱེའུ་དགེ་འདུན་ཆོས་ཀྱི་ཉི་མ་མཆོག་༸པཎ་ཆེན་སྐུ་གོང་མའི་ཡང་སྲིད་འཁྲུལ་བྲལ་དུ་ངོས་འཛིན་གནང་འབྲེལ།  བོད་ཤིང་ཕག་ཟླ་༣ ཚེས་ ༡༥ དང་ཕྱི་ལོ་ ༡༩༩༥ ལོའི་ཟླ་ ༥ ཚེས་ ༡༤ ཉིན་ཡོངས་ཁྱབ་གསལ་བསྒྲགས་བསྐྱངས་ཤིང། དེ་སྐབས་ཡང་སྲིད་རིན་པོ་ཆེ་དགུང་གྲངས་  ༦  དང་ད་ལོ་༢༥སོན་ཡོད།

 

རྒྱ་གཞུང་ངོས་ནས་ཅི་ཙམ་གྱིས་༸མཆོག་སྤྲུལ་རིན་པོ་ཆེ་གསང་སྟེབས་དང་བཙན་དབང་གིས་བཀག་གཉེར་བྱེད་པ་དེ་ཚོད་དུ་བོད་མིའི་སེམས་ནས་དད་ཤུགས་ཇེ་ཆེར་འགྲོ་རྒྱུར་བརྟེན།འབྲེལ་ཡོད་ངོས་ནས་དཀའ་གནད་འདིར་བསམ་ཞིབ་ཆེ་བཞེས་ཀྱིས་གང་ཐུབ་སྔ་སེལ་གནང་རྒྱུའི་རེ་བ་བསྐྱར་ནན་ཞུ།

 

 

བོད་ཀྱི་བུད་མེད་ལྷན་ཚོགས་ཀྱི་སྤྱི་ཁྱབ་རྒྱུན་ལས་ཁང་ནས།   ༢༠༡༤ཟླ་༥ ཚེས་༡༧ ལ།།

 

རྒྱལ་སྤྱིའི་འགྲོ་བ་མིའི་ཐོབ་ཐང་གི་ཉིན་མོ་སྲུང་བརྩི་མཚོན་པའི་ངེད་བོད་ཀྱི་དབུས་བུད་མེད་ལྷན་ཚོགས་ལས་འགུལ་གང་སྤེལ་ཁག།

Dec-10,-2013-banner_facebookད་ལོ་ནི་མཉམ་འབྲེལ་རྒྱལ་ཚོགས་ཀྱིས་རྒྱས་སྤྱིའི་འགྲོ་བ་མིའི་ཐོབ་ཐང་ལྟ་རྟོག་ཚོགས་པ་བཙུགས་ནས་མི་ལོ་དྲུག་ བཅུ་རེ་བཞི་འཁོར་བ་དང་དེ་མཚུངས་སུ།རྒྱ་ནག་གིས་ཁྲིམས་འགལ་ཐོག་བོད་བཙན་བཟུང་བྱས་ནས་མི་ལོ་དྲུག་བཅུ་རེ་བཞི་སོང་བའི་ལོ་ཚུགས་ཤིག་ཆགས་ཡོད།ཡང་འདི་ལོ་ནི་རྒྱ་ནག་སྲིད་གཞུང་འོས་བབ་གཏན་ནས་མེད་བཞིན་དུ་ཚོགས་ཁུངས་སུ་ སླར་ཡང་བཞུགས་ཐུབ་པ་བྱུང་བ་བཅས།རྒྱལ་ཚོགས་ཞེས་སྐྱབས་སུ་ཆས་ས་ཞིག་དང་མགོན་དུ་བྱོན་མཁན་ཞིག་མེད་ཚོད་དུ་ ཡིན་ཡང་།སྡིག་པ་མི་བཙུམ་གྱི་ཚུལ་དུ་མ་ཡིན་ཡང་།སླད་ཕྱིན་སྲོང་བོ་མ་ཡིན་པའི་རྒྱལ་ཚོགས་འདི་དངུལ་སྒོར་གྱི་གཞན་ དབང་དུ་མི་འགྲོ་བའི་རེ་བ་མཐའ་མ་དེ་བྱས་ནས།

ཉིན་འདིར་ངེད་དབུས་བོད་ཀྱི་བུད་མེད་ལྷན་ཚོགས་ཀྱི་དབུས་ས་གཉིས་ངོས་ནས་རྒྱལ་སྤྱིའི་ཉེས་ཡངས་ཚོགས་པ་ དང་།རྒྱལ་སྤྱིའི་ཆེས་མཐོ་ཁྲིམས་ཁང་དང་།མཉམ་འབྲེལ་རྒྱལ་ཚོགས།མཉམ་འབྲེལ་རྒྱལ་ཚོགས་ཀྱི་འབྲེལ་ཡོད་ཚན་པ་བཅས་ ཚོགས་པ་ཆེ་ཁག་དྲུག་ལ།བོད་ནང་གི་ཆབ་སྲིད་བཙོན་པ་སྤྲུལ་སྐུ་བསྟན་འཛིན་བདེ་ལེགས་མཆོག་གློད་གྲོལ་གྱིས་ཁོང་གི་ ནད་གཞི་སྨན་བཅོས་མགྱོགས་མྱུར་ཡོང་ཐབས་ཀྱི་རེ་བསྐུལ་སྙན་ཞུས་མཚོན།མ་ཉེས་ཁ་གཡོག་གིས་ཚེ་བཙོན་བཅུག་པའི་གྲྭ་ བློ་བཟང་ཚེ་རིང་དང་།སྲོག་ཁྲིམས་བཅད་པའི་སྒྲོལ་མ་སྐྱབས་བཅས་ལ་དྲང་བདེན་མ་ཡིན་པའི་ཁྲིམས་ཐག་བཅད་པར་ཁྲིམས་བཤེར་དྲང་བོ་ཡོང་སྐྱབས་ལ་གནོན་ཤུགས་སྤྲོད་གནང་ཡོད་པའི་དགོས་འདུན་དང་འབུལ་བསྐུལ་ཞུ།IMG_3322

ཡང་ཉིན་སྔ་དྲོར་དབུས་བོད་མིའི་སྒྲིག་འཛུགས་ཀྱི་གཞུང་འབྲེལ་མཛད་སྒོའི་སྟེང་།ངེད་ལྷན་ཚོགས་ཀྱི་ཉམས་ཞིབ་ སྙན་ཐོ་༼བོད་ནང་བུད་མེད་ཀྱི་གནས་བབ་༽ཅེས་གཞུང་འབྲེལ་དབུ་འབྱེད་གནང་ཡོད་ལ།སྐབས་དེ་ག་རང་ལ་གཙུག་ལག་གི་སྒོ་ཁར་ངེད་ལྷན་ཚོགས་ཚུད་པའི་གཞུང་འབྲེལ་མ་ཡིན་པའི་ཚོགས་པ་གསུམ་ངོས་ནས།༼བདེན་པའི་ལྕགས་སྒྲོལ་གྲོལ་བ་༽ ཞེས་ཆབ་སྲིད་བཙོན་པ་བརྙན་ལེན་པ་དོན་གྲུབ་དབང་ཆེན་ལགས་བཙོན་ནས་བདེ་ལེགས་ངང་ལོག་ཕེབས་ཐུབ་རྒྱུའི་རེ་སྨོན་མཚོན་པའི་ཤོག་བུའི་ཁྲུང་ཁྲུང་གཅིག་སྟོང་ཐམ་པ་བཟོས་པར་སྒེར་པའི་མཚན་རྟགས་བཀོད་ནས་ལྡི་ལར་བརྟན་གཞི་བྱས་པའི་རྒྱ་ནག་གཞུང་ཚབ་ཁང་ལ་བསྐུར་ཡོད།

2དེ་མཚུངས་སུ།ཉིན་འདིའི་ཉིན་རྒྱབ་ཆུ་ཚོད་གཉིས་པ་ནས་༼རྒྱའི་བཙན་གནོན་འོག་གི་བོད་མིའི་འགྲོ་བ་མིའི་ཐོབ་ ཐང་གི་གནས་བབ་ཕྱི་རྒྱལ་མི་རིགས་ལ་ངོ་སྤྲོད་༽ཅེས།བོད་ཀྱི་འགྲོ་བ་མིའི་ཐོབ་ཐང་དང་མང་གཙོ་འཕེལ་རྒྱས་ལྟེ་གནས་ཁང་གི་ཉམས་ཞིབ་པ་བསྟན་འཛིན་ཉིན་བྱེད་དང་དང་བླངས་དབྱིན་ཇི་བ་John Gaudette གཉིས་གདན་ཞུས་ཀྱིས། བོད་ནང་གི་ད་ལྟའི་ཆབ་སྲིད་ཀྱི་ཛ་དྲག་གནས་བབ་སྤྱི་དང་བོད་མིའི་དཀའ་སྡུག་ཁག་ཕྱི་རྒྱལ་མི་རིགས་དོ་སྣང་ཅན་ལ་ འགྲེལ་བརྗོད་གྲོང་གླེང་གོ་སྒྲིག་དང་དྲིལ་བསྒྲགས་བྱས་ཡོད།

  བོད་ཀྱི་བུད་མེད་ལྷན་ཚོགས་ཀྱི་སྤྱི་ཁྱབ་དབུས་རྒྱུན་ལས་ཁང་ནས།

སྤྱི་ལོ་༢༠༡༣ཟླ་༡༢ཚེས་༡༠ཉིན།

༧ ཀུན་གཟིགས་པཎ་ཆེན་རིན་པོ་ཆེ་དགེ་འདུན་ཆོས་ཀྱི་ཉི་མ་མཆོག་གི་འཁྲུངས་སྐར་སྲུང་བརྩི་་ཞུ་བ།

panchen-123༄༅།། དེ་རིང་༢༠༡༣།༤།༢༥ ནི་ཀུན་གཟིགས་པཎ་ཆེན་རིན་པོ་ཆེ་དགེ་འདུན་ཆོས་ཀྱི་ཉི་མ་མཆོག་དགུང་གྲངས ༢༤ ལ་ ཕེབས་པའི་སྐུའི་འཁྲུངས་སྐར་གྱི་དུས་ཆེན་ལ་སོང་དོན་གྱི་ཆ་ནས་དགའ་སྤྲོའི་དུས་ཆེན་ཞིག་རེད་དེ་ཡིན་ནའང་ང་ཚོའི་འཚོ་བ་དེསྐྱོ་གདུང་གི་གནས་སྟངས་ཆགས་ཡོད། གང་ལགས་ཞུས་ན་དགུང་གྲངས་༢༤ འཁྲུངས་སྐར་དེ་ཡང་འཛམ་གླིང་ ནང་སུས་ཀྱང་ཚོད་དཔག་མེད་པའི་ས་ཆ་ཞིག་ཏུ་བཙན་དབང་འོག་གཏོང་དགོས་ཐུག་ཡོད་པ་དེ་རེད།

 ༡༩༨༩།༤།༢༥ ཉིན་ལྷ་རི་རྫོང་དུ་ཡབ་དཀོན་མཆོག་ཕུན་ཚོགས་མཆོག་དང་། ཡུམ་བདེ་ཆེན་ཆོས་སྒྲོན་མཆོག་གཉིས་སུ་  འཁྲུངས་པའི་རིགས་མྱུག་དེ་ལ ། ༡༩༩༥ ཕྱི་ཟླ་ ༥ ཚེས ༡༤ ཉིན། ༸ སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གིས།  ༸ཀུན་གཟིགས་པཎ་ཆེན་སྐུ་འཕྲེང་བཅུ་པའི་ཡང་སྲིད་འཁྲུལ་བྲལ་དུ་ངོས་འཛིན་ཕྱག་རྟགས་བསྩལ་རྗེས་ཉིན་གསུམ་གྱི་རྗེས་ཏེ། ༡༩༩༥།༥།༡༧ ཉིན་རྒྱ་གཞུང་གིས་ཁོང་དང་། ཡབ་ཡུམ་སྐུ་འཁོར་བཅས་བཙན་ཁྲིད་བྱས་ཤིང་། ད་ལྟའང་གར་སོང་ཆ་མེད་དུ་ འགྱར་ཡོད་རེད།  ཡིན་ནའང་ ༢༠༡༢ དུས་དབང་ཐེངས་༣༢སྐབས་བུད་མེད་ལྷན་ཚོགས་ཀྱིས་བོད་ནས་ཕེབས་པའི་བོད་མི་ཁག་ ཅིག་ལ་བཅར་འདྲི་བྱས་པའི་ནང་དོན་ཅིག་ལ་བརྗོད་དོན། ༧ཀུན་གཟིགས་པཎ་ཆེན་རིན་པོ་ཆེ་དགེ་འདུན་ཆོས་ཀྱི་ཉི་མ་མཆོག་ ཞལ་མཇལ་མ་བྱུང་བར་ལོ་མང་ཕྱིན་སོང་སྟེ། ཁོང་ཚོས་ཁོང་ལ་དད་པ་དམ་ཚིག་དང་།  ཡིད་ཆེས་བརླག་མེད་ལ།  ཉིན་གཅིག པཎ་ཆེན་རིན་པོ་དགེ་འདུན་ཆོས་ཀྱི་ཉི་མ་མཆོག་དང་ཞལ་མཇལ་ཡོང་བའི་རེ་བའང་དེ་བཞིན་བརླག་མེད། ཅེས་ཆོད་སེམས་དང་ བཅས་གསུངས་ཡོད་ན།  དེས་སེམས་ཀྱི་རང་དབང་སུབ་ཐབས་མེད་པ་ར་སྤྲོད་བྱེད་ཐུབ་ཀྱི་འདུག

    ༡༩༥༩ ནས་རྒྱ་ནག་གིས་བཙན་དབང་གིས་བོད་ལ་དབང་བསྒྱུར་བྱས་པ་ནས་བཟུང་དམིགས་ཡུལ་དེ་མི་རིགས་རྩ་བརླག་ གཏོང་རྒྱུ་ཡིན་པ་དེ་གསལ་པོ་རེད། དེ་འདྲ་སོང་བོད་ཀྱི་ཆོས་དང་རིག་གཞུང་ལ་སྟངས་འཛིན་དམ་དྲག་བྱེད་ཀྱི་ཡོད་པ་རེད།  དམིགས་ཡུལ་དེ་བསྒྲུབ་རྒྱུར་སྲིད་བྱུས་གཏན་འབེབས་དང་འབད་བརྩོན་བྱེད་ཀྱི་ཡོད་པའང་མཐོང་ཆོས་སུ་ཡོད་རེད ། ཡིན་ནའང་སྲིད་བྱུས་དེ་ཚོར་ནུས་པ་ཐོན་མེད་སྟབས་མེད་སྟབས། རྒྱ་ནག་གཞུང་འ་ཆད་འུ་ཐུག་གིས་ཐབས་ལམ་ལག་ བསྟར་གྱིས་ཆོས་ཀྱི་དབུ་འཁྲིད་གཅིག་དགུང་ན་༦ ཆུང་བྱིས་པའི་སྐབས་ནས་བཟུང་ད་ལྟ་དགུང་ལོ་༢༤ ཕེབས་ཡོད་ཀྱང་ འཛིན་བཟུང་བཀག་ཉར་བྱས་ཡོད་རེད། དགེ་འདུན་ཆོས་ཀྱི་ཉི་མ་མཆོག་ག་ཚོད་བར་བཀག་ཉར་བྱས་པ་དེ་ཙམ་གྱི་རྒྱལ་ སྤྱི་ཐོག་ནས།  ཁོང་གློད་གྲོལ་དགོས་པ་དང་། བོད་ལ་རང་དབང་སྤྲོད་དགོས་པ་སོགས་ཀྱི་འབོད་སྒྲ་ཆེ་རུ་འགྲོ་ཡི་ཡོད།  ལོ་བསྟུད་མར་པཎ་ཆེན་རིན་པོ་ཆེ་གར་སོང་ཆ་མེད་དུ་གྱུར་བའི་གནས་ཚུལ་ཡོང་རྐྱེན་ལས་འཛམ་གླིང་ནང་ནུས་ཤུགས་ལྡན་པའི་ཆབ་སྲིད་ཀྱི་ལས་ཁུངས་མང་པོར་དོ་སྣང་སླེབས་ཀྱི་ཡོད་རེད། ༸ ཀུན་གཟིགས་པཎ་ཆེན་རིན་པོ་ཆེ་ལྟ་བུ་རྒྱལ་སྤྱིས་ཐུགས་སྣང་ ཡོད་པའི་ཆོས་ཀྱི་དབུ་འཁྲིད་ཅིག་ལ་བཙན་དབང་གིས་བཀག་ཉར་བྱེད་ཀྱི་ཡོད་དུས། དེ་ལས་གཞན་པའི་བོད་མི་དཀྱུས་མ་གཅིག ལ་དེ་འདྲའི་དཀའ་ངལ་འཕྲད་པ་མང་པོ་ཡོད་པ་ཤུགས་ཀྱིས་སྟོན་གྱི་ཡོད།

 མཉམ་འབྲེལ་རྒྱལ་ཚོགས་ཀྱི་འགྲོ་བ་མིའི་ཐོབ་ཐང་ཚན་པ་དང་།  དེ་བཞིན་རྒྱལ་ཚོགས་ཀྱི་བཙན་དབང་དང་དབང་ མེད་དུ་བཙན་ཁྲིད་ཀྱིས་གར་སོང་ཆ་མེད་དུ་འགྱུར་པའི་གནད་དོན་ཐོག་ཉམས་ཞིབ་ཚན་པ་དང་།  གཞུང་དང་གཞུང་འབྲེལ་མ་ཡིན་པའི་ཚོགས་པ་ཁག་ནས་པཎ་ཆེན་རིན་པོ་ཆེ་མཆོག་གི་གནས་ཚུལ་གསལ་ཁ་དགོས་ པའི་དགོས་འདུན་སྟོན་པར།  རྒྱ་གཞུང་གིས་ཞིབ་ཆའི་འགྲེལ་བརྗོད་གཞན་གང་ཡང་མེད་པར་པཎ་ཆེན་རིན་པོ་ཆེ་ སྐུ་འཁོར་སྐུ་གཟུགས་བདེ་ཐང་ཡོད་པ་དང་། ཁོང་རྣམ་པས་གཞན་གྱིས་བསུན་བཙིར་ལ་དགའ་པོ་མེད་ཚུལ་འགྲེལ་བཤད་ བྱེད་ཀྱི་ཡོད་རེད།  དཔེར་ན་༢༠༡༢།༤ པར་ལྡི་ལིར་ཡོད་པའི་རྒྱ་ནག་གཞུང་ཚབ་ནས་དེ་རང་འགྲེལ་བརྗོད་བྱས་ཡོད།

སྤྱིར་རྒྱ་ནག་གི་བཅའ་ཁྲིམས་བརྩིས་ན་ལོ་༡༨ ཡན་རྒན་ཚོད་ལོན་པར་བརྩི་ཡི་ཡོད། དེ་འདྲ་སོང་ཙང་པཎ་ཆེན་རིན་པོ་ཆེ་ མཆོག་ད་ལོ་དགུང་ལོ་༢༤ ལ་ཕེབས་ཀྱི་ཡོད་ན་ རྒྱ་ནག་གིས་སྲུང་སྐྱོབ་འོག་བཞུགས་དོན་མེད་སྟབས་རྒྱ་ནག་གི་རྩ་ཁྲིམས་ ནང་རྒྱ་ནག་མི་མང་ལ་རང་དབང་ཡོད་པ་སྤྱི་མཚུངས་ཁོང་ལའང་རང་ཐག་རང་གཅོད་ཀྱི་སྨྲ་བརྗོད་ཐོབ་ཐང་ཡོད་དགོས་པ་རེད།

 ༢༠༡༣།༣ ནས་རྒྱ་ནག་གཞུང་གི་དབང་འཛིན་དཔོན་རིགས་གསར་པས་བརྩིས་བཞེས་གནང་བའི་མཇུག་བསྡོམས་ གསུངས་བཤད་ནང་། སྲིད་འཛིན་ཞི་ཅི་ཕིན་གྱིས།  རྒྱ་ནག་ནང་བཟང་ཕྱོགས་ཀྱི་འགྱུར་བ་དང་།  བསྐྱར་དར་བྱེད་ཐུབ་ཀྱི་ཡིན། ལབ་ཡོད་པ་དེ་དངོས་གནས་ཡིད་ཆེས་ཀྱི་འདུན་པ་ཡོད་ན། བཟང་ཕྱོགས་ཀྱི་འགྱུར་བ་དང་པོ་དེ་༸ཀུན་གཟིགས་པཎ་ཆེན་རིན་ པོ་ཆེ་དགེ་འདུན་ཆོས་ཀྱི་ཉི་མ་མཆོག་གློད་གྲོལ་གནང་རྒྱུ་དེ་ཆགས་ཡོད་རེད། དེ་བཞིན་ཞི་ཅི་ཕིན་གྱིས་བཟང་ཕྱོགས་ཀྱིས་  ཁོང་རང་ཉིད་ཀྱི་པ་ལགས་ཀྱི་འཆམ་མཐུན་གྲོགས་པོ་ཀུན་གཟིགས་པཎ་ཆེན་སྐུ་གོང་མ་ཡིན་པ་དང་། སྐུ་གོང་མའི་ཡང་སྲིད་ འཁྲུལ་བྲལ་པཎ་ཆེན་སྐུ་འཕྲེང་བཅུ་གཅིག་པ་དགེ་འདུན་ཆོས་ཀྱི་ཉི་མ་མཆོག་དང་འབྲེལ་ཆགས་ཀྱི་འདུ་ཤེས་བཟུང་སྟེ། དེ་མ་ ཐག་གློད་གྲོལ་བྱེད་དགོས་པའི་འོས་བབ་ཆགས་ཡོད།

 ༸ཀུན་གཟིགས་པཎ་ཆེན་རིན་པོ་ཆེ་མཆོག་གི་གནད་དོན་དེ་རྒྱལ་སྤྱིའི་གནད་དོན་ཞིག་ཆགས་ཟིན་པར་བརྟེན་རྒྱ་ནག་གཞུང་གིསརྒྱལ་སྤྱིའི་སྟེང་ཕྱི་གསལ་ནང་གསལ་སྟོན་རན་པ་དང་དུས་ལ་བབ་པ་ཞིག་ལ་སོང་ལག་བསྟར་གནང་དགོས་པ་དང་ཆབས་ཅིག་   ནག་ཉེས་མེད་པའི་བོད་མི་ཆབ་སྲིད་བཙོན་པ་སྤྲུལ་སྐུ་བསྟན་འཛིན་བདེ་ལེགས་མཆོག་གི་གཙོས་ཆབ་སྲིད་བཙོན་པ་ཡོངས་རྫོགས་མྱུར་དུ་གློད་གྲོལ་བྱེད་དགོས་རེད་ལ་བྱེད་རན་པ་ཞིག་ཀྱང་ཆགས་ཡོད།

 བཀའ་ཤག་དང་སྤྱི་འཐུས་ལྷན་རྒྱས་ཐུན་མོང་ནས་ད་ལོ་༢༠༡༣། ནས་བཟུང་པཎ་ཆེན་རིན་པོ་ཆེ་སྐུ་འཕྲེང་བཅུ་གཅིག་པ་དགེ་ འདུན་ཆོས་ཀྱི་ཉི་མ་མཆོག་རྒྱ་གཞུང་གིས་བཙན་འཁྲིད་ཀྱིས་གར་སོང་ཆ་མེད་དུ་འགྱུར་བའི་ཉིན་མོ་དང་བསྟུན། ༥།༡༧ དེ་རྒྱལ་སྤྱིའི་བོད་དོན་གདུང་སེམས་མཉམ་བསྐྱེད་ཀྱི་ལོ་ཞེས་བསྲུང་བརྩི་གནང་རྒྱུའི་གསལ་བསྒྲགས་བསྐྱངས་ཡོད་རེད།   དེ་མཚུངས་པཎ་ཆེན་རིན་པོ་ཆེ་མཆོག་གློད་གྲོལ་ཐོབ་ནས་གདན་ས་བཀྲིས་ལྷུན་པོར་ཞབས་གསོལ་མ་འཁོད་བར་དུ་མུ་ མཐུད་འཚོལ་ཞིབ་རྩད་གཅོད་ཀྱི་ལས་འགུལ་བློས་གཏོང་མི་སྲིད་ཅེས་ཞུ་རྒྱུ་དང་སྦྲགས་རྒྱལ་སྤྱིའི་བོད་དོན་རྒྱབ་སྐྱོར་ ཚོགས་པ་ཁག་ནས་བོད་དོན་རྒྱབ་སྐྱོར་གནང་བར་ཐུགས་རྗེ་ཆེ་ཞུ་རྒྱུ་དང་། བོད་རྒྱའི་དཀའ་རྙོགས་སེལ་ཐབས་གཉིས་ སྨན་དབུ་མའི་ལམ་གྱི་དགོས་འདུན་བསྒྲུབ་སླད།  བོད་རྒྱ་གྲོས་མོལ་འགོ་བཙུགས་ཐབས་ལ་རྒྱ་གཞུང་གིས་ལྷག་ བསམ་རྣམ་དག་གིས་གོམ་པ་མདུན་སྤོས་དགོས་པར། རྒྱལ་སྤྱིའི་ཐོག་ནས་ཁ་ཡོད་ལག་ཡོད་ཀྱིས་དུས་འགྱངས་མེད་ པར་རྒྱབ་སྐྱོར་དགོས་པ་ཛ་དྲག་གི འབོད་བསྐུལ་ཞུ་ཡི་ཡོད།

  བོད་ཀྱི་བུད་མེད་ལྷན་ཚོགས་ཀྱི་དབུས་སྤྱི་ཁྱབ་རྒྱུན་ལས་ཁང་ནས། ༢༠༡༣།༤།༢༥

བོད་ཀྱི་བུད་མེད་ལྷན་ཚོགས་དབུས་ས་གཉིས་ཀྱིས་༼ཨ་མས་བུ་བཙལ་བ་༽ཞེས་པའི་ལམ་ནས་༧པཎ་ཆེན་རྩད་གཅོད་གཏོང་བ།

TWA Panchen Post Card

སྤྱི་ལོ་༢༠༡༢ ལོའི་ ཟླ་༥  ཚེས་༡༧ ཉིན།  རྒྱ་དམར་གཞུང་གིས་༸པཎ་ཆེན་སྐུ་ཕྲེང་བཅུ་གཅིག་དགེ་འདུན་ཆོས་ཀྱི་ཉི་མ་མཆོག་བཙན་ཁྲིད་ཀྱིས་གར་སོང་ཆ་མེད་གྱུར་ནས་མི་ལོ་༡༧འཁོར་བའི་དུས་དྲན་ཉིན་མོ་དང་བསྟུན། འདི་ག་བོད་ཀྱི་བུད་མེད་ལྷན་ཚོགས་དབུས་ས་གཉིས་ཀྱིས་༼ཨ་མས་བུ་བཙལ་བ་ཞེས་༸པཎ་ཆེན་དགེ་འདུན་ཆོས་ཀྱི་ཉི་མ་གང་དུ་ཡོད་མེད་རྩད་གཅོད་ཀྱི་ལས་འགུལ་ཞིག་སྤེལ་ཡོད།

 བོད་ཀྱི་བུད་མེད་ལྷན་ཚོགས་དབུས་ས་གཉིས་ནས་དྲི་རྟགས་ཅན་གྱི་ཤོག་བྱང་ཞིག་བཟོས་པའི་ནང་། ཨ་མ་ཞིག་གི་སོ་སོའི་ཤ་ལས་མཆེད་པའི་བུ་ཕྲུག་གནས་གང་ན་འཚོ་བཞེས་ཡོད་མེད་མ་ཤེས་པའི་གནས་བབ་འོག་ཨ་མས་བུའི་བདེ་སྡུག་གི་སླད་དུ་སེམས་ཁྲལ་དང་དྲན་གདུང་། བུའི་ཆེད་དུ་སྨོན་ལམ་ཤུགས་དྲག་འདེབས་པའི་ཚུལ་གྱི་འཕྲིན་ཐུང་ཞིག་བྲིས་ཡོད་པ་དང་། དེ་ཉིད་བོད་རང་སྐྱོང་ལྗོངས་ཀྱི་འགོ་གཙོ་པད་མ་འཕྲིན་ལས་ཀྱི་ཁ་བྱང་སྟེང་བསྐུར་ནས་༧པཎ་ཆེན་རིན་པ་ཆེ་གང་དུ་ཡོད་མེད་རྩད་གཅོད་དང་། ལས་འགུལ་འདི་བོད་ཀྱི་བུད་མེད་ལྷན་ཚོགས་དབུས་ས་གཉིས་ཀྱི་གཙོ་འགན་འོག ས་གནས་ས་ཐོག་ནས་ས་ཁུལ་དེ་གའི་ཨ་མ་ཡིན་པ་དང་ཡིན་ངེས་པའི་བུད་མེད་སུ་ཡིན་གྱི་ས་ཡིག་གང་མང་མང་གཟེད་ཅིང་། ཁྱོན་ས་གནས་༢༥ནས་ས་ཡིག་གཟེད་པའི་ཤོག་བྱང་༡༠༠༠༠ལྷག་ཙམ་བསྐུར་ཐུབ་པ་བྱུང་ཡོད།

དེ་བཞིན་ཉིན་དེའི་ཞོགས་པ་ནས་དགོང་དྲོའི་བར་གྱི་ཉིན་ཧྲིལ་པོར་༧པཎ་ཆེན་རྩད་ཞིབ་ཀྱི་ཞུ་གཏུགས་ཡི་གེར་མཚན་རྟགས་བསྡུ་རིབ་ཀྱི་ལས་འགུལ་ཞིག་ཀྱང་སྤེལ་ཡོད་ལ། ས་ཡིག་གང་བྱུང་རྣམས་རྒྱ་ནག་གི་འཐབ་ཕྱོགས་གཅིག་འགྱུར་ཁང་གི་འགན་འཛིན་གཞོན་པ་ཀྲོ་ལྦེ་ཆེའོ་ཡི་ཁ་བྱང་སྟེང་བསྐུར་ཡོད།

དེའང་༧གོང་ས་མཆོག་གིས་ཁྱེའུ་དགེ་འདུན་ཆོས་ཀྱི་ཉི་མ་པཎ་ཆེན་སྐུ་ཕྲེང་བཅུ་བའི་ཡོང་སྲིད་དུ་ངོས་འཛིན་གནང་རྗེས། རྒྱ་གཞུང་གིས་ཁོང་བཙན་ཁྲིད་བྱས་ནས་མི་ལོ་བཅུ་བདུན་འཁོར་ཡོད། དེའི་ཐད་ཉེ་སྔོན་གསར་འདེམས་བྱུང་བའི་དབུས་བོད་ཀྱི་བུད་མེད་ལྷན་ཚོགས་ཀྱི་ཚོགས་གཙོ་བཀྲ་ཤིས་སྒྲོལ་མས་  “དགེ་འདུན་ཆོས་ཀྱི་ཉི་མ་བཙན་ཁྲིད་བྱས་པ་འདི་ནི་བོད་མིའི་ཆོས་དད་རང་མོས་བཙན་འཕྲོག་བྱས་དཔེ་མཚོན་ཙམ་དུ་མ་ཟད། སྤྱིར་འགྲོ་བ་མིའི་ཐོབ་ཐང་ལ་བརྩི་མེད་རྡོག་རོལ་བཏང་བ་ཞིག་རེད་”ཅེས་ནན་བརྗོད་གནང་སོང་།

དེ་སྔར་ སྤྱི་ལོ་༢༠༡༠ ལོར། བོད་རང་སྐྱོང་ལྗོངས་ཟེར་བའི་མགོ་གཙོ་པད་མ་འཕྲིན་ལས་ཀྱིས་  “དགེ་འདུན་ཆོས་ཀྱི་ཉི་མ་དང་། ཁོང་གི་ནང་མི་ཚང་མ་མི་སེར་དཀྱུས་མར་སོང་། ཁོ་ཚོ་མི་སེར་སྤྱི་མཚུངས་ལྟར་བདེ་འཇགས་ཀྱི་འཚོ་བ་རོལ་ནས་བསྡད་ཡོད་”སྐོར་བརྗོད་ཡོད། འོན་ཀྱང་།  རྒྱ་ནག་གིས་ད་ལྟའི་བར་ཏུ་བསྒྲགས་གཏམ་ནང་བཀོད་པ་རྣམས་བདེན་པ་ཡིན་པའི་ཁུངས་སྐྱེལ་གཅིག་ཀྱང་གསལ་འདོན་བྱས་མེད།

ཚང་མས་མཁྱེན་གསལ་ལྟར། ད་བར་རྒྱལ་སྤྱིའི་ཐོག་གི་གཞུང་དང་གཞུང་འབྲེལ་མ་ཡིན་པའི་ཚོགས་སྡེ་ཁག  སྐྱེ་བོ་སྒེར་བཅས་ནས་ད་བར་རྒྱ་དམར་གཞུང་ལ་པཎ་ཆེན་རིན་པོ་ཆེ་ཡི་བདེ་འཇགས་དང་། ཁོང་གང་དུ་ཡོད་མེད་ཀྱི་ཨ་ལན་ཁ་གསལ་དགོས་སྐོར་བརྡ་འདེད་རབ་དང་རིམ་པ་བྱས་ཀྱང་། བློ་ཕམ་པ་ཞིག་ལ་རྒྱ་གཞུང་གིས་པཎ་ཆེན་སྐུ་ཕྲེང་བཅུ་གཅིག་པ་དགེ་འདུན་ཆོས་ཀྱི་ཉི་མ་མཆོག་ཙམ་མ་ཟད། ཐ་ན་ཁོང་གི་ཡབ་ཡུམ་སྐུ་འཁོར་དང་བཅས་གར་ཡོད་གནས་ཚུལ་ཁུངས་སྣེ་ཙམ་ཡང་ཕྱི་བསྒྲགས་བྱས་མེད་པས། ཇི་སྲིད་༧པཎ་ཆེན་རིན་པོ་ཆེ་གློད་བཀྲོལ་མ་གཏོང་བ་དེ་སྲིད་དུ་ང་ཚོས་མུ་མཐུད་ལས་འགུལ་སྤེལ་ངེས་ཡིན།

 

en_USEnglish