Apr 18 2013

TWA admin

རྒྱལ་སྤྱིའི་སྐབས་བཅོ་བརྒྱད་པའི་ཁོར་ཡུག་ཚོགས་ཆེན་ལ་བཅར་པ།

བོད་ཀྱི་བུད་མེད་ལྷན་ཚོགས་ཀྱིས་བོད་དོན་བདེན་བདར་ཅེས་པའི་འབོད་ཚིག་དུས་རྒྱུན་བོད་དོན་ཞུ་གཏུགས་ཀྱི་ལས་འགུལ་རབ་དང་རིམ་པ་ཞིག་སྤེལ་མུས་སུ་ཡོད་པ་ཇི་བཞིན། སྤྱི་ལོ་༢༠༡༢ལོའི་ཟླ་༡༡་ཚེས་༢༦ནས་ཕྱི་ཟླ་༡༢ཚེས་༧བར་འཚོརྒྱལ་སྤྱིའི་ཁོར་ཡུག་གི་ཚོགས་ཆེན་དེའང་རྡོ་ཧ་ཞེས་པའི་རྒྱལ་ཁབ་ཏུ་འཚོགས་པ་དང་བསྟུན། ངེད་ལྷན་ཚོགས་ཀྱི་ཁོར་ཡུག་ལས་བྱེད་བསྟན་འཛིན་ཆོས་སྒྲོན་དེར་ཆེད་བཅར་གྱིས། བོད་ཀྱི་ཁོར་ཡུག་སྐོར་ལ་ཁྱབ་བསྒྲགས་ཀྱིས་མཚོན་གོ་རྟོགས་ལས་འགུལ་སྤེལ་ཐབས་གནང་ཡོད། ཚོགས་ཐེངས་བཅོ་བརྒྱད་པ་དེར་རྒྱལ་ཁབ་༡༩༤ནས་ཆ་ཤས་ལེན་མཁན་མི་གྲངས་༡༧༠༠༠་ལྷག་ཙམ་ཡོད་ལ། དེ་དང་འབྲེལ་བའི་གནས་ཚུལ་མཁོ་བསྡུ་མཁན་གྱི་གསར་འགོད་པ་༡༥༠༠མཉམ་ཞུགས་བྱས་ཡོད་པ་བརྒྱུད་བོད་ཀྱི་ཁོར་ཡུག་ཐད་དྲང་ཕྱོགས་ཀྱི་ལྟ་སྟངས་ཤིག་ཁྱབ་སྤེལ་དང་འགྲེལ་བརྗོད་གནང་ཐུབ་པ་བྱུང་ཡོད། དེའང་ཆོས་སྒྲོན་ལགས་ཀྱིས་“ཐེངས་འདིར་བོད་ཀྱི་གཙང་བོ་རྒྱུགས་པའི་ས་ཁུལ་ཏུ་ཆགས་པའི་ཨེ་ཤ་ཡའི་ལྷོ་རྒྱུད་ཀྱི་རྒྱལ་ཁབ་གང་མང་ཞིག་དང་འབྲེལ་ཟམ་འཛུགས་ཐུབ་པ་བྱུང་དེ་ནི་ཐེངས་འདིའི་གྲུབ་འབྲས་ཆེ་ཤོས་ཤིག་ཏུ་ངོས་འཛིན་ཆོག་པ་ཡིན་”ཞེས་གསུངས་པ་བཞིན། མི་འབོར་ཐེར་འབུམ་གཉིས་ལྷག་གི་འཚོ་སྡོད་དང་འབྲེལ་བའི་བོད་ཀྱི་གཙང་ཆུའི་གལ་གནད་འགྲེལ་བརྗོད་གཙོས། དེར་སྦགས་བཙོག་ཅི་བྱུང་གིས་ཁོང་ཚོའི་འཚོ་གནས་ལ་དཀའ་ངལ་ཅི་འཕྲད་རིགས་སོགས་གསལ་བརྗོད་ཐུབ་པ་བྱུང་ཡོད། ཡང་ “སྐབས་དེར་རྒྱལ་ཁབ་འདྲ་མིན་གྱི་ངོ་བོ་ཁོར་ཡུག་དོ་དམ་པར་འབྲེལ་བ་འཛིན་ཐབས་དང་ཞུ་གཏུགས་ཡི་གེ་གང་ཐབས་བརྒྱུད་སྤྲོད་བྱས་པ་ཡིན་མོད། རྒྱ་གཞུང་གི་གནོན་ཤུགས་ནི་མངོན་ལྐོག་གང་རུང་དུ་ཡོད་ཡོད་པ་ལྟ་བུ་རེད་འདུག་ན། དེར་གདོང་ལེན་བྱ་རྒྱུ་འདིའང་ལས་ཀ་ཐེ་བ་ཞིག་རེད་འདུག”ཅེས་གསུངས། དེ་བཞིན་གོ་སྐབས་དེ་བརྒྱུད། རྒྱ་གཞུང་གིས་བོད་ཀྱི་ཐོན་ཁུངས་སྔོག་འདོན་དང་ཤིང་ནགས་གཅོད་འབྲེག གཙང་བོ་ཁ་བསྒྱུར། འབྲོག་པ་གྲོང་བསྒྱུར་སོགས་ཁོར་ཡུག་གཏོར་བཤིག་གིས་བོད་དང་བོད་མིའི་འཚོ་བར་ཤུགས་རྐྱེན་དང་དཀའ་ངལ་ཅི་འཕྲད་སྐོར་ཡང་བརྒྱུད་བསྒྲགས་དང་། སྲིད་བྱུས་དེ་དག་མཚམས་འཇོག་དང་བཅོས་བསྒྱུར་འབྱུང་ཐབས་སུ་ན་གཞོན་ཁོར་ཡུག་ལས་འགུལ་ཚོགས་པ་སོགས་སུ་རེ་བསྐུལ་ཞུ་གཏུགས་རིམ་པ་གནང་ཡོད་པ་བཅས། ངེད་ལྷན་ཚོགས་ཀྱི་འཛམ་གླིང་གི་སྣེ་གསུམ་པ་བོད་ཀྱི་སྐྱེས་ཁམས་ཁོར་ཡུག་གི་སྡེ་ཚན་གྱིས་དུས་རྒྱུན་འཛམ་གླིང་གང་སར་ཁོར་ཡུག་དང་འབྲེལ་བའི་ཚོགས་འདུ་ལ་བཅར་ཐབས་དང་བཅར་ནས་བོད་ཀྱི་ཁོར་ཡུག་གི་དཀའ་ངལ་ངོ་སྤྲོད་དང་། དཀའ་ངལ་དེ་རིགས་སེལ་ཐབས་སུ་རོགས་འདེགས་ཅི་འགབ་འཚོལ་གྱི་སྤྱིར་ངེད་ལྷན་ཚོགས་དང་ནང་སྒོས་སུ་སྡེ་ཚན་འདིའི་འགན་ཁུར་གཙོ་བོར་གྱུར་ཡོད།

Apr 18 2013

TWA admin

བུད་མེད་ཀྱི་ཚད་མཐོའི་འགན་ཁུར་སྣེ་ཁྲིད་ཀྱི་ཟབ་སྦྱོང་གོ་སྒྲིག

དེའང་དབུས་བོད་ཀྱི་བུད་མེད་ལྷན་ཚོགས་ཀྱི་ཉིན་བཅུའི་རིང་གི་བུད་མེད་ཀྱི་ཚད་མཐོའི་འགན་ཁུར་སྣེ་ཁྲིད་ཀྱི་ཟབ་སྦྱོང་ཐེངས་གསུམ་པ་དེ་ལེགས་གྲུབ་མཇུག་སྒྲིལ་བྱུང་ཡོད། ཟླ་འདིའི་ཕྱི་ཚེས་ ༡༨ ནས་ཚེས་ ༢༧ བར་ཉིན་བཅུའི་རིང་དབུས་བོད་ཀྱི་བུད་མེད་ལྷན་ཚོགས་ཀྱི་གོ་སྒྲིག་འོག ལས་བྱེད་དང་མཐོ་སློབ་འགྲིམས་བཞིན་པའི་བོད་རིགས་བུད་མེད་ཚོར་ཚད་མཐོའི་མགོ་ཁྲིད་སྦྱོང་བརྡར་གྱི་ཟབ་སྦྱོང་ཞིག་སྤྲད་ཡོད་ཅིང་། ཉིན་མཐའ་མའི་མཇུག་སྡོམ་མཛད་སྒོའི་སྐུ་མགྲོན་དུ་རྒྱ་གར་གྱི་བུད་མེད་ཆབ་སྲིད་ལས་འགུལ་པ་ཀཱེ་རན་བྷེ་ཊི་(Dr.Kiran Bedi) དང་། སྤྱི་ཚོགས་ལས་འགུལ་པ་ལྕམ་ཇཱ་ཡཱ་(Jaya Jaitlley)། གྷན་ཌེ་ཞི་བདེ་ཐེབས་རྩའི་ཚོགས་གཙོ་རཱ་ཌཱ་བྷ་ཊི་(Radha Bhatt)། འབར་མའི་འགྲོ་བ་མིའི་ཐོབ་ཐང་འཐབ་རྩོད་པ་ཨ་ལཱ་ཎ་(Dr.Alana Golmei) བཅས་ཕེབས་ཏེ་བུད་མེད་ཀྱི་ནུས་པ་དང་འགན་འཁྲིའི་ཐད་གཏམ་བཤད་བྱས་ཡོད། ཐེངས་འདིའི་མགོ་ཁྲིད་ཟབ་སྦྱོང་ནང་ས་གནས་འདྲ་མིན་ནས་ན་གཞོན་བུད་མེད་ ༢༥ ཙམ་མཉམ་ཞུགས་བྱས་ཡོད་ལ། ཉིན་ ༡༠ རིང་གི་ཟབ་སྦྱོང་སྐབས་རྒྱ་གར་དང་འབར་མ་སོགས་ཀྱི་བུད་མེད་ཟབ་སྦྱོང་ཆེད་མཁས་པ་ཁག་གདན་ཞུས་ཐོག ཟབ་སྦྱོང་ནང་ཞུགས་མཁན་བོད་རིགས་བུད་མེད་ཚོར་བརྗོད་གཞི་འདྲ་མིན་ཐད་ནས་བུད་མེད་མགོ་ཁྲིད་ཀྱི་ཟབ་སྦྱོང་སྤྲད་ཡོད་འདུག ཐེངས་འདིའི་ཟབ་སྦྱོང་གི་ཉིན་མཐའ་མར་ མོན་གྷོ་ན་ཚོགས་ཁང་༼ཨེ་ཤེ་ཡའི་གླིང་གི་བུད་མེད་སྣེ་ཁྲིད་ཀྱི་བྱེད་སྒོ༽ཞེས་དུས་ཡུན་སྐར་མ་དགུ་བཅུ་ཅན་གྱི་བགྲོ་གླེང་ཚོགས་འདུ་ཞིག་ཀྱང་གོ་སྒྲིག་བྱས་ཡོད། སྐབས་དེར་བགྲོ་གླེང་བ་ ཀཱེ་རན་བྷེ་ཊི་ལགས་ཀྱིས། “དུས་རྒྱུན་མི་རྣམས་ཀྱི་སྣང་ངོར་མགོ་ཁྲིད་ཅེས་པའི་ཐ་སྙད་འདི་འཆར་མ་ཐག དེ་ནི་ནུབ་ཕྱོགས་ཀྱི་གང་ཟག་ཅིག་ཡིན་ཤག་གནང་གི་ཡོད་མོད། ཨེ་ཤེ་ཡའི་གླིང་ཕྲན་དུའང་ད་བར་མགོ་ཁྲིད་མ་བྱོན་པ་ག་ལ་ཡིན། དཔེར་ན། བོད་ཀྱི་དབུ་ཁྲིད་༧གོང་ས་ཏཱ་ལའི་བླ་མ་མཆོག་དང་མ་ཧ་མ་དི་གྷན་རྡི་སོགས་སྐྱེས་བོ་ཚད་ལྡན་བྱོན་མྱོང་ལ། དེ་མཚུངས་སུ་བུད་མེད་མགོ་ཁྲིད་ལྕམ་ཨང་སན་སོའུ་ཀི་དང་ཨིན་རྡིར་གྷིན་རྡི། པན་ན་འཛར་པོའུ་ཌོ་སོགས་གདའ་ན། བློ་བསྐྱེད་ཀྱི་མིག་དཔེ་འདི་དག་བཞག་ཆོག”ཅེས་ནན་གསུངས་གནང་ཞིང་། སྤྱི་ཚོགས་ལས་འགུལ་པ་ལྕམ་ཇཱ་ཡཱ་(Jaya Jaitlley)། ལགས་ཀྱིས་མགོ་ཁྲིད་ཀྱི་མཚོན་བྱེད་གསུམ་ཞེས་རང་ཉིད་ཅི་ལྟར་མང་གི་མང་གི་མགོ་ཁྲིད་མཁན་ཞིག་ཏུ་འགྱུར་ཐབས་དང་། མགོ་ཁྲིད་པར་བྱེད་པ་ལ་དགོས་ངེས་ཀྱི་མི་གཤིས་དང་བློས་བཏང་གི་ལེགས་སྐྱེས་གང་འབུལ་སྐོར་གཙོས། བུད་མེད་རྣམས་ཀྱི་རང་བཞིན་ལྷན་སྐྱེས་སུ་ཞི་བདེ་ལ་དགའ་བའི་གང་ཟག་ཅིག་ཡིན་ཙང་། བུད་མེད་ནི་དུས་རབས་འདིའི་ཞི་བདེ་ཡི་དམག་དཔུང་གཅིག་པུ་དང་ཞི་བདེ་ཡི་འབྱུང་ཁུངས་དངོས་སྟེ་ཡིན་ཞེས་གསུངས་པ་སོགས་བགྲོ་གླེང་བ་རིམ་པས་བརྗོད་གཞི་དང་འབྲེལ་བའི་བཀའ་མོལ་གསུང་བཤད་གནང་ཡོད། ཐེངས་འདིའི་ཟབ་སྦྱོང་གི་འགྲོ་གྲོན་གྱི་ཡོངས་ཁུངས་ནི་སྔར་ལོ་བཞིན་ངེད་ལྷན་ཚོགས་ཁག་ང་འབྲེལ་བའི་རོགས་ཚོགས་ཁག་ནས་ནར་གཏོང་གནང་བ་ཞིག་ཆོགས་ཡོད། ཟབ་སྦྱོང་ནང་མཉམ་ཞུགས་བྱེད་མཁན་ལྡི་ལི་མཐོ་སློབ་ཀྱི་སློབ་མ་ཚེ་རིང་སྐྱིད་ཀྱིས། བུད་མེད་ལྷན་ཚོགས་ཀྱིས་གོ་སྒྲིག་བྱས་པའི་ཟབ་སྦྱོང་འདིའི་རིགས་ནི། མ་འོངས་པར་བུད་མེད་མགོ་ཁྲིད་གསོ་སྐྱོང་གི་རྨང་གཞི་ཆེན་པོ་ཞིག་ཆགས་ངེས་ཡིན་པ་བརྗོད་འདུག།

Apr 15 2013

TWA admin

An Appeal Letter to the Secretary of State

To

The Secretary of State John Kerry United States of America

Your Excellency,

We highly appreciate United States’ continuous support for Tibet. Today, we are writing to you to bring forward Tibet’s issue during your upcoming visit to China. We need your support more than ever!

In the light of the gross human rights …

Continue reading »

Apr 09 2013

TWA admin

Students from Stitches of Tibet visited the Golden Temple

Students from Stitches of Tibet visited the Golden Temple, officially known as The Harmandir Sahib, in Amritsar, Punjab during the weekend of March 8-9th. Construction for this Gurdwara, a place of worship for Sikhs, began in the 1500s. In the early 1800s, the Gurdwara was covered in gold, giving it the nickname for which …

Continue reading »

Mar 25 2013

TWA admin

Alternative BRICS Summit in Dharamsala

Press Release: For Immediate Release

Alternative BRICS Summit in Dharamsala

Tibet Campaigners demand action from BRICS leaders as Xi Jinping attends first summit as China’s Head of State

Photos of the campaign can be viewed here: http://www.flickr.com/photos/tibetanwomen/sets/72157633083266227/

25 March 2013

Press contacts: Tashi Dolma, Tibetan Women’s Association: Tibetan, Hindi +91 9459553943 Dorjee Tseten, Students …

Continue reading »

Page 22 of 46« First...10...2021222324...3040...Last »