སྐུའི་འཁྲུངས་སྐར་དང་སྟབས་བསྟུན་ངེད་ལྷན་ཚོགས་ཀྱི་བྱ་འགུལ་སྤེལ་ཕྱོགས་སྐོར་ཀྱི་གསར་འགོད་གསལ་བསྒྲགས།

His Holiness 14th Dalai Lama 2012འཛམ་གླིང་ཞི་བདེ་དེད་དཔོན་༧གོང་ས་ལྷ་མིའི་རྣམ་འདྲེན་རྒྱལ་མཆོག་བསྟན་འཛིན་རྒྱ་མཚོ་གང་ཉིད་བསམ་བཞིན་སྲིད་པ་བཟུང་སྟེ། ཕྱི་ལུགས་ཀྱི་དགུང་གྲངས་༧༧ལ་ཕེབས་པའི་སྐུའི་འཁྲུངས་སྐར་གྱི་ཉིན་མོ་དང་སྟབས་བསྟུན། འདི་ག་ལྷན་ཚོགས་ངོས་ནས་སྐུའི་འཁྲུངས་སྐར་གྱི་ཉིན་མོ་འདིར་སྐྱེས་འགྲོ་སྤྱི་མཐུན་གྱི་བསོད་ནམས་གོང་མཐོེར་སྤེལ་ཆེད་རྣམ་དཀར་དགེ་བའི་ལས་དོན་འབའ་ཞིག་སྒྲུབ་གཏན་འཁེལ་བ་ཁག་ནི།

༡ ཁོར་ཡུག་སྲུང་སྐྱོབ་ཆེད་ལྗོན་ཤིང་མེ་ཏོག་བགོ་འགྲེམས་འདེབས་བཙུགས་དང་།

༢ སྤྱི་ཚོགས་ཞབས་ཞུ་དང་འབྲེལ་བའི་མཛེ་ནད་ཅན་ལ་ཟས་སྦྱིན།

༣ ཡུལ་མིའི་མཐུན་ལམ་ཆེད་ས་གནས་དཔོན་རིགས་དང་གནད་ཡོད་མི་སྣ་ཁག་ལ་མཚོན་དོན་མངར་ཟས་འབུལ་རྒྱུ་བཅས་ཡིན་ན།

ལྗོན་ཤིང་འདེབས་བཙུགས་ཀྱི་ལས་གཞི་འདི་བཞིན་ཕྱི་ཚེས་༦ཉིན་གྱི་སྐུའི་འཁྲུངས་སྐར་དགའ་སྟོན་དུ་ཕེབས་པའི་མི་མང་ཚོར་དུད་ཚོང་རེ་རེ་ཡི་དོད་དུ་ཤིང་ཕྲན་རེ་རེ་བགོ་འགྲེམས་ཀྱི་འདེབས་ལས་བྱེད་དུ་འཇུག་རྒྱུ་དང་།    དེ་བཞིན་མཛེ་ནད་སྨན་བཅོས་ལྟེ་གནས་ཀྱི་འབྲེལ་ཡོད་ཚན་པར་བརྒྱུད་མཛེ་ནད་ཅན་གྱི་མི་སྣ་བཅོ་བརྒྱད་ཡོད་པ་ལས་དགུ་བོད་མི་རེད་འདུག་ཅིང་། མི་ཟླ་བཅོ་བརྒྱད་ཡོངས་ལ་ཉིན་དགུང་གི་ཞལ་ལག་དང་ཤིང་ཏོག་སྤུས་ལེགས་ཤིག་འབུལ་གཏན་འཁེལ་ཡོད་ལ།   ཡུལ་མིར་མཐུན་ལམ་ཆེད་དུས་རྒྱུན་ནས་བོད་མི་སྐྱབས་བཅོལ་བ་རྣམས་དང་འབྲེལ་བ་དམ་ཟབ་ཡོད་པ་དང་།  འདྲིས་གཤིབ་ཡོད་པའི་ས་གནས་དཔོན་རིགས་དང་།   གནད་ཡོད་མི་སྣ་རྣམས་དང་མཐུན་ལམ་ཡུན་གནས་ཡོང་ཆེད་་སྐུའི་འཁྲུངས་སྐར་གྱི་ཉིན་མོ་དང་སྟབས་བསྟུན་མངར་ཟས་འདེགས་འབུལ་གྱི་ལས་འགུལ་ཞིག་ཀྱང་སྤེལ་རྒྱུ་བཅས།  རྣམ་དཀར་གྱི་ལས་དོན་འདི་དག་ཀྱང་།   འདི་ལོ་༧སྐྱབས་མགོན་གང་ཉིད་ནས་སྲིད་ཕྱོགས་ཀྱི་སྐུ་དབང་མི་མང་ནས་འོས་འདེབས་བྱུང་བའི་བཀའ་ཁྲིར་བརྩི་སྤྲོད་གནང་བ་དང་།   བོད་གཞུང་དགའ་ལྡན་ཕོ་བྲང་གི་མངའ་དབང་མཇུག་སྒྲིལ་བའི་གཙོ་དོན་ནི་བཙན་བྱོལ་བོད་མི་སྒྲིག་འཛུགས་འདི་ཉིད་མང་གཙོ་ཚད་མཐོར་ཡོང་ཆེད་སོགས་ལོ་རྒྱུས་རང་བཞིན་གྱི་ལོ་ཞིག་ཡིན་སྟབས། ངེད་བུད་མེད་ལྷན་ཚོགས་ངོས་ནས་གལ་གནད་ཆེ་བའི་འཁྲུངས་སྐར་གྱི་ཉིན་མོ་འདིར་མགོན་པོ་གང་ཉིད་སྐུ་ཚེ་བསྐལ་བརྒྱར་བརྟན་ཅིང་།   ཐུགས་ཀྱི་བཞེད་དོན་ལྷུན་གྱི་འགྲུབ་པ་དང་།  གཞིས་བྱེས་མྱུར་ཏུ་ལྷན་འཛོམས་ཡོང་བའི་སྨོན་འདུན་གྲངས་མེད་ཞུས།

Leave a Reply

Your email address will not be published.

This site uses Akismet to reduce spam. Learn how your comment data is processed.