Tibetan Women’s Association is happy to introduce our new Regional Chapter at Dharawali Dokham Tibetan Settlement in Dehradun, Uttarakhand on 30th April, 2017.

༄༅། ཕྱི་ལོ་༢༠༡༧ ཟླ་༤ ཚེས་༣༠ ཉིན་དོན་གྲུབ་གླིང་ས་གནས་ཉེ་འགྲམ་དུ་དྷ་ར་ཝ་ལི་མདོ་ཁམས་གཞིས་ཆགས་ནང་བོད་ཀྱི་བུད་མེད་ལྷན་ཚོགས་སྒྲིག་འཛུགས་ཀྱིས་ཡན་ལག་ས་གནས་གསར་འཛུགས་ཞུས་ཐུབ་པ་བྱུང་ཡོད། གོང་ཚེས་ཉིན་རྟེན་འབྲེལ་གྱིས་མཛད་སྒོ་གོ་སྒྲིག་གནང་ཡོད་པ་དེར་དབུས་སྤྱི་ཁྱབ་ལས་ཁུངས་ནས་ཚོགས་གཙོོ་སྒྲོལ་མ་དབྱངས་ཅན་ལགས། ཚོགས་གཞོན་ཚེ་རིང་སྒྲོལ་མ། མཐུན་འབྲེལ་འགན་འཛིན་སྐལ་བཟང་གཡུ་སྒྲོན་བཅས་དངོས་སུ་བཅར་ཡོད། མཛད་སྒོའི་སྐབས་སྐུ་མགྲོན་དུ་ས་གནས་ནང་གི་ལས་ཀྱི་སྣེ་མོ་བ་དང་དབུས་ཚོགས་ཟུར་བཀྲིས་སྒྲོལ་མ་ལགས་དང་ལྡེ་ར་དུན་ཁུལ་ས་གནས་བུད་མེད་ཁག་གི་ཚོགས་གཙོ་འམ་སྐུ་ཚབ་བཅས་ཕེབས་ཡོད། མཛད་སྒོའི་ཐོག་དགའ་བསུ་འཚམས་འདྲིའི་དང་བཅས་དབུས་སྤྱི་ཁྱབ་ཚོགས་གཙོ་སྒྲོལ་མ་དབྱངས་ཅན་ལགས་དང་དབུས་ཚོགས་ཟུར་བཀྲིས་སྒྲོལ་མ་ལགས་དང་དེ་མིན་གྱིས་སྐུ་མགྲོན་ཁག་ནས་གསུངས་བཤད་གནང་ཡོད། དེ་མིན་གྱི་ས་གནས་རྒྱུན་ལས་གསར་པའི་འདམ་འབུལ་གནང་རྒྱུ་དང་། གཞས་སྣ་ཁག་རྟེན་འབྲེལ་གྱིས་འཁྲབ་སྟོན་གནང་ཡོད་ལ་སྤྱིར་མི་མང་ཡོངས་ནས་དགའ་འཚོར་གྱིས་རྒྱབ་བསྐྱོར་ཧ་ལས་པ་འདུག སོང་ཙང་ད་ལམ་དྷ་ར་ཝ་ལི་ས་གནས་སུ་བུད་མེད་ལྷན་ཚོགས་ཀྱི་ཡན་ལག་ས་གནས་གསར་འཛུགས་ཞུས་པ་དགའ་འཚོར་ངང་འཚམས་བཀྲིས་བདེ་ལེགས་ཞུ།