Mar 12 2015

TWA admin

   བུད་མེད་སྒེར་ལངས་ཐེངས་ ༥༦ ཐོག་བུད་མེད་ལྷན་ཚོགས་ཀྱི་གཏམ་བཤད།

༄༅།། དེ་རིང་གི་ཉིན་མོ་ནི་༡༩༥༩ ལོར་བོད་རྒྱལ་ཁབ་ཆགས་འཇིག་འགྲོ་བའི་ཛ་དྲག་ཅི་ཆེའི་སྐབས་སུ།

རང་རེའི་བུད་མེད་རྣམས་ཀྱིས་ཀྱང་རྒྱལ་གཅེས་ལྷག་བསམ་སྙིང་སྟོབས་ཞུམ་པ་མེད་པར།   ཕྱི་ལོ་ ༡༩༥༩ ཟླ་ ༣ ཚེས་ ༡༢ ཉིན་ཆོལ་གསུམ་བོད་ཀྱི་བུད་མེད་ཀྱི་སྒྲིག་འཛུགས་གསར་བཙུགས་ཞུས་ཏེ་ཆབ་སྲིད་ཀྱི་འགན་ མཉམ་འཁུར་གྱིས་རྒྱ་ནག་དམར་གཞུང་གིས་ཁྲིམས་འགལ་ཐོག་བོད་སར་དབང་བསྒྱུར་བྱས་པར་བདེན་རྒྱབ་ འཚོལ་བའི་ཞུ་གཏུགས་སྙན་ཞུ་འབུལ་བ་དང་། གཞི་རྒྱ་ཆེ་བའི་བུད་མེད་ཀྱི་སྒེར་ལངས་ལས་འགུལ་སྤེལ་ནས། ལོ་ངོ་ ༥༦ འཁོར་བའི་གལ་ཆེན་གྱི་ཉིན་མོ་ཞིག་ཡིན།

དེ་ནི་བོད་ཕྱི་ནང་གཉིས་སུ་གནས་པའི་བུད་མེད་ཙམ་མ་ཡིན་པར། བོད་མི་ཡོད་དོ་ཅོག་གི་བརྗེད་ཐབས་ མེད་པའི་ལོ་རྒྱུས་རང་བཞིན་ལྡན་པའི་གལ་ཆེན་གྱི་ཉིན་མོ་ཞིག་ཆགས་ཡོད། ལས་འགུལ་ནང་བུད་མེད་ བརྒྱ་ཕྲག་བརྒལ་བས་སྐུ་སྲོག་ཤོར་ཡོད་་པ་དང་། འགོ་འཁྲིད་བུད་མེད་རྣམས་འཛིན་བཟུང་བཙོན་འཇུག་ བྱས། མཐར་རིག་གནས་གསར་བརྗེ་སྐབས་དཔའ་མོ་རྣམས་དམར་བསད་བཏང་བའི་ཡིད་སྐྱོའི་བྱུང་རིམ་ རྣམས་རྡོ་བཀོད་རི་མོ་བཞིན་དངོས་ཡོད་ལོ་རྒྱུས་ནང་གསལ་ཡོད།  དེ་རིང་གི་གོ་སྐབས་འདི་བརྒྱུད་རྒྱལ་ གཅེས་དཔའ་མོ་རྣམས་ཀྱི་དཔའ་མཛངས་སྙིང་སྟོབས་ཀྱི་མཛད་རྗེས་ལ་སྙིང་ནས་གུས་བཏུད་ཞུ་མཚོན་མེ་ཏོག་བཏོར་བ་དང་སྦྲགས་ཡིད་རངས་བསྔགས་བརྗོད་དང་བཀྲིན་རྗེས་དྲན་ཞུ་རྒྱུ་ཡིན།

ཕྱོགས་མཚུངས་བོད་ཕྱི་ནང་གཉིས་ནས་རྒྱལ་གཅེས་དཔའ་བོ་དཔའ་མོ་ ༡༤༢ ཡིས་སྐུ་ལུས་མེར་བསྲེགས་ གནང་སྟེ་རྒྱ་གཞུང་གིས་བོད་ཐོག་འཛིན་པའི་མཁྲེགས་བཟུང་སྲིད་བྱུས་ལ་ཚེ་སྲོག་གིས་ངོ་རྒོལ་གནང་བའི་   རྒྱལ་ཞེན་གཡོལ་མེད་ཀྱི་མཛད་རྗེས་ལ་མགོ་ནག་བོད་མི་ཡོངས་ནས་ཡིད་རངས་དང་གདུང་སེམས་མཉམ་བསྐྱེད་ཞུས་ཐོག   བོད་ཀྱི་བདེན་པའི་འཐབ་རྩོད་ཁོ་ནར་དམིགས་ཏེ་གསར་བཙུགས་བྱུང་བའི་བོད་ཀྱི་བུད་ མེད་ཀྱི་སྒྲིག་འཛུགས་ཀྱི་དམིགས་ཡུལ་གཞི་དང་རྩ་བར་བཟུང་ནས། ༡༩༨༤ ལོར་བཙན་བྱོལ་ནང་སླར་གསོ་ ཐོག་ད་བར་ལོ་ངོ་ ༣༡ འགྲོ་བའི་བརྒྱུད་རིམ་བུད་མེད་ཀྱི་སྒྲིག་འཛུགས་སྲ་བརྟེན་ཡར་རྒྱས་ཚགས་ཚུད་ཡོད་ མུས་ནི་རྒན་རབས་གཙོ་བོར་འགྱུར་བའི་བུད་མེད་རྣམས་ཀྱིས་སྔ་ཕྱི་བར་གསུམ་ལྷག་བསམ་རྣམ་དག་གིས་ བོད་སྤྱི་བའི་ལས་དོན་གྱི་ཁུར་འགན་བཞེས་སྟེ་སྐུ་ལས་བསྐྱོན་ཡོད་པར་བརྗེད་མེད་ཀྱིས་བཀྲིན་རྗེས་དྲན་ཞུ་ ཡི་ཡོད།   བུད་མེད་ལྷན་ཚོགས་ཀྱི་སྒྲིག་གཞི་དགོངས་དོན། གཙོ་བོ་༸སྤྱི་ནོར་༸གོང་ས་༸སྐྱབས་མགོན་ཆེན་ པོ་མཆོག་ལ་བློ་སེམས་རྩེ་་གཅིག་གི་དད་བཀུར་གཡོ་མ་མེད་པར་ཤར་བསྐྱོད་ཞུ་མཁན་གྱི་སྒྲིག་འཛུགས་ཤིག་དང་བོད་དོན་འཐབ་རྩོད་ལས་འགུལ་སྤེལ་མཁན་ལོ་རྒྱུས་རང་བཞིན་ལྡན་པའི་བུད་མེད་ཀྱི་སྒྲིག་འཛུགས་ གཅིག་པོ་དེའང་ཆགས་ཡོད།

བོད་ནང་གི་གནས་སྟངས་ནི་མུ་མཐུད་ཛ་དྲག་གི་རང་བཞིན་ལས་གྲོལ་མེད། རྒྱ་གཞུང་གིས་མུ་མཐུད་བོད་ཀྱི་ བསྟན་སྲིད་གཉིས་དང་རི་ཆུ་ནགས་གསུམ་རྩ་མེད། གཏོར་བརླག   བཤུ་གཞོག་དང་སྒེར་གཅོད་ཁོ་ནའི་ལམ་ བོད་མི་སུན་གཙེར་དང་དཀའ་ངལ་འཕྲད་མུས་ཡོད་ཁྲོད། ཉེ་བའི་ལོ་འགའ་ནས་བཟུང་། …

Continue reading »

Mar 12 2015

TWA admin

Statement of Tibetan Women’s Association issued on the 56th Anniversary of Tibetan Women’s National Uprising Day

banner-fb

Today as we gather here to commemorate the 56th anniversary of Tibetan Women’s National Uprising day, we pay tribute to the brave Tibetan women from the three provinces in Tibet who 56 years ago staged a peaceful yet powerful resistance against the brutal Chinese forces staging a forceful occupation of Tibet.The spirit and resilience …

Continue reading »

Mar 11 2015

TWA admin

An appeal to UN High Commissioner for Human Rights

Appeal 1

To

Zeid Ra’ad al Hussein

Office of the UN High Commissioner for Human Rights (OHCHR)

Palais des Nations

CH-1211 Geneva 10

Switzerland

 

Date: 9th March, 2015

Subject: Seeking immediate intervention to improve the human rights situation inside Tibet

 

Your Excellency,

 

The Central Tibetan Women’s Association (TWA) is writing this appeal letter to …

Continue reading »

Dec 31 2014

TWA admin

TWA’s Advanced Women’s Leadership Program concludes today

2

December 31st, 2014

New Delhi:

 

The weeklong leadership program titled ‘Advanced Tibetan Women’s Leadership Training’ (ATWLT), the 5th in the series, concluded today at the India Habitat Centre. A panel discussion titled ‘HeforShe-Role of Men in Empowering Women,’ marked the culmination of the training organized by Tibetan Women’s Association. 27 Tibetan women from across India …

Continue reading »

Dec 11 2014

TWA admin

༸ རྒྱལ་བའི་བཀའ་དྲན་རྗེས་དྲན་གྱི་མཚོན་དོན་དུ་༼སང་ལོ་ལྷ་ས་ནས་མཇལ་ཡོང་༽ཞེས་པའི་བསྒྲགས་གཏམ།།

སང་ལོ་ལྷ་ས་ནས་མཇལ་ཡོང་།

དེ་རིང་གི་ཉིན་མོ་འདི་ནི། འཛམ་གླིང་ཞི་བདེ་དེད་དཔོན་༸སྤྱི་ནོར་༸གོང་ས་སྐྱབས་མགོན་ཆེན་པོ་མཆོག་གང་ཉིད་ནས། ནོ་ལྦེལ་ཞི་བདེ་གཟེགས་རྟགས་བཞེས་ནས་མི་ལོ་ཧྲིལ་བོ་༢༥ འཁོར་བའི་དུས་ཚིགས་ཁྱད་ཅན་ཡིན་ཁར། རང་གཞུང་དབུས་བོད་མིའི་སྒྲིག་འཛུགས་ངོས་ནས་འདས་པའི་ལོ་འཁོར་མོ་འདི་བཞིན། མགོན་པོ་གང་ལ་བཀའ་དྲིན་རྗེས་དྲན་གྱི་ལོར་སྲུང་བརྩི་གནང་ཡོད་སྟབས།

འདི་ག་དབུས་བོད་ཀྱི་བུད་མེད་ལྷན་ཚོགས་དང་། ས་གནས་ཡན་ལག་ཁག་གིས་ཀྱང་རྣམ་དཀར་དགེ་བའི་དོན་བཟང་འདིར་གཞོགས་འདེགས་རྒྱབ་སྐྱོར་མཚོན་ཆེད། ལོ་འདིར་ལས་འགུལ་སྣ་ཚོགས་སྤེལ་ཡོད་ན། དེས་ཀྱང་རྒྱལ་བ་འགྱེས་པའི་མཆོད་སྤྲིན་གྱི་ཆ་ཤས་ཙམ་འབྱུང་པར་སྨོན་པས་ལྟས་ཡོད།  ཡིན་ནའང་། གཞུང་མང་གཉིས་ཀྱིས་བཀའ་དྲིན་བསམ་ཤེས་ཀྱི་ཆེད་དུ། ཅི་གསུངས་བཀའ་སྒྲུབ་གནང་གི་ཡིན་ཟེར་ནས་འབོད་ཚིག་བསྒྲགས་རྒྱུ་ཙམ་མ་ཡིན་པར། ཁོང་གི་དྲིན་ལན་འཇལ་ཐབས་ཉག་གཅིག་ནི་མགོན་པོ་གང་གི་རིང་ནས་སྙིང་ལ་བརྣག་པའི་འདོད་དོན་དང་། གཞིས་ལུས་དད་ལྡན་མང་ཚོགས་ཀྱིས་མིག་འཐའ་མཆི་མ་ཁེངས་ནས་རེ་སྒུག་གནང་བཞིན་པ་ནི་ལྷ་ལྡན་ཉི་མའི་གྲོང་ནས་གཞིས་བྱེས་གཉིས་ལྷན་འཛོམས་གནང་རྒྱུ་འདི་རང་ཡིན་སྟབས། ངེད་ལྷན་ཚོགས་ཀྱི་དབུས་ས་གཉིས་ཀྱི་ངོས་ནས་ཀྱང་གོ་སྐབས་འདི་བརྒྱུད་<<སང་ལོ་ལྷ་ས་ནས་མཇལ་ཡོང་>> ཞེས་པའི་འགོ་བརྗོད་འོག་དུས་དྲན་སྲུང་བརྩི་བྱས་པ་དང་ཆབས་ཅིག

༡༽ <<སང་ལོ་ལྷ་ས་ནས་མཇལ་ཡོང་>> ཞེས་པའི་_  ཁ་པར་གྱི་དབྱངས་བརྡའི་མཉེན་ཆས་བཟོས་ཡོད།

༢༽<<སང་ལོ་ལྷ་ས་ནས་མཇལ་>>ཞེས་པའི–བྲང་འདོགས་དཔུང་རྟགས་སྣ་ཚོགས་བཟོས་ཡོད།

༣༽ <<སང་ལོ་ལྷ་ས་ནས་མཇལ་ཡོང་> ཞེས་པའི་  _སྟབས་བདེ་རྒྱབ་ཁུག་བཟོས་ཡོད།

ལས་ཚོད་ལ་གོང་གསལ་བྱེད་སྒོ་འདི་དག་ལས་ཀ་ཆུང་ཆུང་ཞིག་ཡིན་མོད། ནང་དོན་གྱི་ཆ་ནས་བཤད་ན། ཤི་བོས་ཁ་ཆེམས་དང་།  གསོན་པོའི་རེ་བ་དཀྱིལ་གཅིག་ལ་བཞག་པའི་མཚོན་དོན་ཡིན་ཙང་།  ངེད་ལྷན་ཚོགས་ངོས་ནས་ཁ་པར་གྱི་དབྱངས་བརྡ་དང་། དཔུང་རྟགས། རྒྱབ་ཁུག་སོགས་འཛམ་གླིང་གར་སར་གནས་པའི་བོད་དང་། བོད་དོན་རྒྱབ་སྐྱོར་བ་རྣམས་ལ་ཚེགས་མེད་ངང་བཀྲམས་གཏན་འཁེལ་བ་ཡོད་ན། དེས་ཀྱང་རྒྱལ་བ་གྱེས་པའི་མཆོད་སྤྲིན་གྱི་ཆ་ཤས་ཙམ་འབྱུང་བར་སྨོན་པས་གཏོས་པ་དང་ཆིབས་ཅིག ངེད་ལྷན་ཚོགས་ངོས་ནས་བོད་མི་རྒན་གཞོན་ཚང་མས་དུས་རྒྱུན་ཡིད་ལ་དོ་བདག་རང་ཉིད་བོད་དུ་ལོག་ཕེབས་མཁན་ཡིན་པའི་དྲན་ཤེས་དགོས་རྒྱུ་མ་ཟད་དང་། འཛོམས་བྲལ་ནམ་དུས་དང་ལྷག་པར་པེ་པེ་ཞེས་པའི་ཚབ་ཏུ་༼སང་ལོ་ལྷ་ས་ནས་མཇལ་ཡོང་༽ཞེས་པའི་ཁ་གཡང་འབོད་རེར་གནང་རྒྱུའི་འབོད་བསྐུལ་སྙིང་ནས་ཞུ་ཡི་ལགས་ན་ཅིས་ཀྱང་དགོངས་པ་ཆེ་བཞེས་གནང་རྒྱུ་མཁྱེན།

མཐའ་དོན། བོད་རྒྱལ་ཁབ་དང་མི་རིགས་འདི་བཞིན་ཤི་གསོན་གྱི་གནས་སྟངས་འོག་ལྷག་པའི་དུས་ངན་འདིར། སྤྱི་ནོར་༸གོང་ས་སྐྱབས་མགོན་ཆེན་པོ་མཆོག་གིས། མི་རིགས་འདིའི་འཚོ་གནས་དང་རྒྱལ་བསྟན་སླར་གསོས་ཆེད་དུ་སྐུ་ངལ་ལྷུར་ལེན་བྱས་པའི་བཀའ་དྲིན་བསམ་གྱིས་མི་ཁྱབ་པར་སོང་། ང་ཚོ་སྤྱི་འབངས་ཡོངས་ཀྱིས་དྲིན་དུ་ཚོར་དགོས་པ་ནི་བཤད་མ་དགོས་ཁར། སྐྱེ་ཆེན་དམ་པ་ཁོང་ལྟ་བུ་ཞིག་གི་དྲིན་ལན་འཇལ་བ་ལའང་། དུས་དྲན་སྲུང་བརྩི་སོགས་ཕྱི་ཚུལ་གྱི་བྱེད་སྒོ་རྣམ་བཞག་ཁག་གལ་ཆེན་པོ་ཡིན་མོད། གོ་སྐབས་འདི་བརྒྱུད་དོ་བདག་སོ་སོས་དྲིན་ལ་དྲིན་ལན་འཇལ་བའི་བཟང་སྤྱོད་རྒྱུད་ལ་འཇགས་ཐབས་གནང་རྒྱུ་དང་། མི་སྒེར་སོ་སོ་སྤྱོད་ཡོན་གཉིས་ལྡན་གྱི་ཡུལ་མི་ཚུལ་ལྡན་ཞིག་སྐྲུན་ཐབས་གནང་རྒྱུ་ནི། སྤྱིར་ན་མི་སྡེ་སྤྱི་ཚོགས་ཀྱི་ཐུན་མོངས་ལ་འཁྲི་བས་འོས་འགན་དང་། ནང་དགོས་རྒྱ་བ་གྱེས་པའི་མཆོད་སྤྲིན་ཡང་འདི་རང་ལགས་ན། ངེད་ལྷན་ཚོགས་ངོས་ནས་དེ་དོན་དགེ་བསྐུལ་ལེགས་གསོལ་གནང་རྒྱུ་བཅས།།

དབུས་བོད་ཀྱི་བུད་མེད་ལྷན་ཚོགས་སྤྱི་ཁྱབ་ཡིག་ཚང་ནས།

 

ཕྱི་ལོ ༡༠༡༤ ཟླ ༡༢ ཚེས་ ༡༠ ཉིན།  རྡ་རམ་ས་ལ་ནས།

Older posts «

» Newer posts